Molimento Natural d'os Glaciars Pirenencos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Glaciars Pirenencos | |
 Glaciar d'Aneto | |
| Tipo | Molimento Natural |
| Establiu | 1990 |
| Superficie | 3.190 ha |
| Situación |  Alto Galligo, Sobrarbe y Ribagorza (Uesca) |
| Latitut | |
| Lonchitut | |
 1. Pico Moros; 2. Macizo de l'Infierno; 3. Camachibosa; 4. As Tres Serols; 5. L'Almunia; 6. Lardana; 7. Perdiguero; 8. Maladeta-Aneto | |
O Molimento Natural d'as Glaciars Pirenencos ye un molimento natural d'Aragón que fa parti d'o rete d'espacios naturals protechitos.
O molimento natural se declara en l'anyo 1990 ta protecher os glaciars pirenencos y s'enampla en l'anyo 2002 dica las actuals 3.190 ha. d'amplaria y as 12.897 ha. incluyindo a Zona Periferica de Protección.
Se troba entre os 2700 y os 3000 metros d'altaria en os siguients macizos:
- Macizo de Pico Moros (Sallent de Galligo)
- Macizo de l'Infierno (Pandicosa y Sallent de Galligo)
- Macizo de Camachibosa (Torla)
- Macizo de l'Almunia (Bielsa)
- Macizo de Pocez (Sant Chuan de Plan, Sagún y Benás)
- Macizo de Perdiguero (Benás)
- Macizo de la Maladeta (Benás y Montanui)
- Macizo d'as Tres Serols (Bielsa y Fanlo)
Se i pueden trobar amás d'os grans volumens de chelo, atras morfolochías singulars d'os glaciars como as morrenas, os ibons y as bacías. Beluns d'istos glaciars conoixioron una expansión mientres la chicota edat de chelo[1], pero actualment son en proceso de desaparición total.
O clima extremo fa que no sían muitas as especies animals y vechetals que se troban en istos glaciars, nomás bels sarrios y perdices nivals y tamién o guardafuents pirenenco (Calotriton asper), especie endemica d'istas tucas.
Atras feguras de protección
editar
Coinciden en parti con o Molimento Natural atras feguras de protección:
- Parque Natural de Pocez-Maladeta
- Parque Nacional d'Ordesa y d'as Tres Serols
- ZEPA de Pocez-Maladeta
- PIC Capecera d'o Río Aguas Limpias
- PIC Alta Cinca, Ordesa-Comachibosa
- PIC Buixaruelo y Foz d'os Navarros
- PIC Pocez-Maladeta
- PIC Puertos de Pandicosa, Bramatuero y Brazato
- PIC Alta Val d'a Cinca
- Reserva d'a Biosfera Ordesa-Comachibosa
Referencias
editar- ↑ Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001.
Vinclos externos
editar- (es) Molimento Natural d'os Glaciars Pirenencos. Gubierno d'Aragón
- (es) GEA. Espacios Naturals Protechitos d'Aragón
Datos: Q9035032
