Paisache Protechiu d'os Pinars de Rodeno

Pinars de Rodeno
Pinar de Rodeno.jpg
Pinars de Rodeno
Datos chenerals
Tipo Paisache Protechiu
Establito 1995
Superficie 6829,05 ha
Situación
Situación Flag of Aragon.svg Sierra d'Albarrazín (Teruel)
Latitut
Lonchitut
Mapa
Sistema Ibérico.png
Yellow ffff00 pog.svg

O Paisache Protechiu d'os Pinars de Rodeno ye un paisache protechiu d'Aragón. Se troba situau en a sierra d'Albarrazín en a provincia de Teruel, o primero en estar declarau en a provincia de Teruel, en l'anyo 1995. Con una superficie total de 6.829,05 ha protechidas, os pinars se troban entre os 1.095 m. d'altaria, en o barranco de Tobías, y os 1.602 m. en o Cerro d'a Cruz de Montoyo. S'estendilla por os termins municipals d'Albarrazín, Exea d'Albarrazín y Bezas.

VechetaciónEditar

 
Paisache d'os Pinars de Rodeno

A prencipal especie de pin que i habita ye o Pinus pinaster, que se caracteriza por tener una altaria meyana y una crosta aspra de color royenca. Tradicionalment s'han emplegau ta quitar rasina.

A más se i pueden trobar atras especies d'árbols como os Quercus (Quercus faginea, Quercus pyrenaica y exemplars relictos de Quercus petrea). Entre os arbustos trobamos os chinebros u os brucos entre atros.

FaunaEditar

As especies que se troban en os pinars son as tipicas d'a selva mediterrania como os chabalins, corzos, ciervos, rabosas, fuinas, llebres y esquiruelos.

CheolochíaEditar

 
As rabosas habitan istas selvas

O suelo d'os pinars ye formau sobre un substrato de piedra d'arena roya, dita "rodeno" en o Sistema Iberico. Entre as formas que han modelau os achents atmosfericos podemos destacar as foces excavadas por os cursos d'augua, os taffoni (uecos semiesfericos en a paret rocosa) u as gnammas (grans depresions circulars en a superficie d'a roca).

D'atra man tamién bi ha un aria a on que a roca calsinera ye predominant, con un relieu más suau y zonas altas y planas. En istas zonas trobamos atras especies de pins y carrascas.

Arte rupestreEditar

Bi ha diferents espelungas entre os pinars a on se pueden trobar importants muestras d'arte rupestre levantín, entre as que destacan o Prado del Navazo, Doña Clotilde u a Cocinilla del Obispo. As feguras que se i gosan representar son humans cazando u cullindo y scenas d'animals (más que más toros) en colors roya y blanca.

Atras feguras de protecciónEditar

  • Parque Cultural d'Albarrazín
  • PIC Rodeno d'Albarrazín.

Vinclos externosEditar


Espacios naturals protechius d'Aragón  
Cheleras Pirenencas | Esplugas de Cristal de Molins | Foces de Fago y Biniés | Lacuna de Gallocanta | Lacuna de Sarinyena | Lomaza de Belchit | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinars de Rodeno | Pocetz-Maladeta | Puent de Fontseca | Saladas de Chiprana | Sant Chuan d'a Penya | Sierra y Foces de Guara | Sierra de Santo Domingo | Sotos y Galachos d'Ebro | El Val | Vals Occidentals