Paisache Protechiu d'os Pinars de Rodeno
Pinars de Rodeno | |
![]() Pinars de Rodeno | |
Tipo | Paisache Protechiu |
Establiu | 1995 |
Superficie | 6829,05 ha |
Situación | ![]() |
Latitut | |
Lonchitut | |
O Paisache Protechiu d'os Pinars de Rodeno ye un paisache protechiu d'Aragón. Se troba situau en a sierra d'Albarrazín en a provincia de Teruel, o primero en estar declarau en a provincia de Teruel, en l'anyo 1995. Con una superficie total de 6.829,05 ha protechidas, os pinars se troban entre os 1.095 m. d'altaria, en o barranco de Tobías, y os 1.602 m. en o Cerro d'a Cruz de Montoyo. S'estendilla por os termins municipals d'Albarrazín, Exea d'Albarrazín y Bezas.
VechetaciónEditar
A prencipal especie de pin que i habita ye o Pinus pinaster, que se caracteriza por tener una altaria meyana y una crosta aspra de color royenca. Tradicionalment s'han emplegau ta quitar rasina.
A más se i pueden trobar atras especies d'árbols como os Quercus (Quercus faginea, Quercus pyrenaica y exemplars relictos de Quercus petrea). Entre os arbustos trobamos os chinebros u os brucos entre atros.
FaunaEditar
As especies que se troban en os pinars son as tipicas d'a selva mediterrania como os chabalins, corzos, ciervos, rabosas, fuinas, llebres y esquiruelos.
CheolochíaEditar
O suelo d'os pinars ye formau sobre un substrato de piedra d'arena roya, dita "rodeno" en o Sistema Iberico. Entre as formas que han modelau os achents atmosfericos podemos destacar as foces excavadas por os cursos d'augua, os taffoni (uecos semiesfericos en a paret rocosa) u as gnammas (grans depresions circulars en a superficie d'a roca).
D'atra man tamién bi ha un aria a on que a roca calsinera ye predominant, con un relieu más suau y zonas altas y planas. En istas zonas trobamos atras especies de pins y carrascas.
Arte rupestreEditar
Bi ha diferents espelungas entre os pinars a on se pueden trobar importants muestras d'arte rupestre levantín, entre as que destacan o Prado del Navazo, Doña Clotilde u a Cocinilla del Obispo. As feguras que se i gosan representar son humans cazando u cullindo y scenas d'animals (más que más toros) en colors roya y blanca.
Atras feguras de protecciónEditar
- Parque Cultural d'Albarrazín
- PIC Rodeno d'Albarrazín.
Vinclos externosEditar
- (es) Paisache Protechiu d'os Pinars de Rodeno. Gubierno d'Aragón
- (es) GEA. Espacios Naturals Protechius d'Aragón