Glaciar

Un glaciar ye una masa gran de chelo formata a partir de l'acumulación de nieu en zonas a on s'acumula més que se reviene. Esta nieu la apisona la nieu que cai l'anyata vinient y recristaliza.

Noruega, glaciar de Briksdal.

Bolivia, glaciar de Sorata.

Washington, glaciar Lyman.

Dimpués de recristalizar lo chelo, que tiene propiedaz plasticas, se deforma y va fluindo por l'acción de la gravedat ta las zonas baixas y calients on se funde.

Lo chelo de lo glaciar se converte en un achent cheolochico important, que sin contribuir a la meteorización, produce en cambio una intensa erosión, un transporte y una sedimentación.

Etimolochía

En aragonés se diz a vegadas chelera a os glaciars pirenencos, forma que ye l'equivalent fonetico a geleira en galaicoportugués. En la mayor parte de las luengas europeas se fa servir un derivato de l'arpitán glacier, trasmeso por lo francés. glacier provién de glace, "chelo", que ye a evolución de lo latín glacia. Cuan lo cheologo y paleontologo uescán Lucas Mallada traduciba un libro francés ta lo castellano y se trobó la palabra glacier, que no teneba en prencipio equivalent en castellano, escribió yo a esto lo llamo chelera, pero me temo que esta palabra no es muy castellana.

Tipos de glaciars

Bi n'ha muitos tipos, pero los fundamentals son:

• Glaciars de casquet: cubren amplas extensions, lo chelo s'acumula en o centro on se mueve ta la periferia enta totas direccions. Son los glaciars que bi ha en los polos.
• Glaciars de val: ocupan lo cabalto d'una val dende a on que baixan ocupando lo fondón dica a on que se funde lo chelo. Los glaciars pirenencos son un subtipo de glaciar de val, que nomás cubre la part alta de la val, (circo), y por ixo son "glaciars de circo".

Se veiga tamién

• Glaciar de semontano.

Referencias

Anvista panoramica d'o glaciar Perito Moreno (Archentina).

• Datos: Q35666
• Multimedia: Glaciers / Q35666