Molimento Natural d'as Esplugas de Cristal de Molins

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esplugas de Cristal de Molins

Cuevas de Cristal de Molins
Datos chenerals
Tipo	Molimento Natural
Establiu	2006
Superficie	125,94 ha
Situación
Situación	Mayestrato (Teruel)
Latitut
Lonchitut
Mapa

O Molimento Natural d'as Esplugas de Cristal de Molins ye un molimento natural d'Aragón que fa parti d'o rete d'espacios naturals protechitos.

En l'anyo 2006 s'apreba la creyación d'iste molimento natural situau en o termin municipal de Molins, en o Mayestrato teruelano, chunto a o Molimento Natural d'o Puent de Fontseca en a mesma comarca.

As esplugas de Cristal de Molins son un complexo rete de galerías creyatas naturalment sobre a calsinera d'ista aria karstica. Istas esplugas apareixen con o paso d'os milenios en excavar l'augua sotarranya sobre a roca. Amás d'as galerias bi ha una ripa d'estalactitas, estalagmitas y columnas a-saber-lo politas. A connexión d'as galerías sotarranyas con l'exterior se fa a traviés d'as esplugas d'as Graderas y de Baticambras.

Fauna

Rhinolophus ferrumequinum

D'entre os animals que habitan istas esplugas bi ha una important colonia de diferents especies d'afogacandils, belunas declaradas como vulnerables como o Rhinolophus ferrumequinum, o Rhinolophus euryale u o Rhinolophus hipposideros. Bi ha tamién un rechimen de protección especial pa o cangrillo común de río, o burranco (Austropotamobius pallipes) que habita en istas esplugas.

D'atra man, tamién se i troboron as restas mas antigas d'un hominido en Aragón, o dito Hombre de Molins. Estas restas se creyeba en primerías que databan de fa 25.000 anyos, pero investigacions posteriors d'a Universidat de Zaragoza feitas con carbonio-14 contrimostran que son de fa 5.100 anyos.

Flora

Respective a la flora, se pueden trobar en os arredols d'o Molimento Natural bellas especies tipicament mediterranias como o brinzón (Echinospartum horridum), o espícol (Lavandula angustifolia), o tremoncillo (Thymus), o pin (Pinus), a carrasca (Quercus ilex), o coscollo (Quercus coccifera) y a sabina (Juniperus phoenicea).

Atras feguras de protección

Coinciden en parti con o Molimento Natural atras feguras de protección:

Parque Cultural d'el Mayestrato
PIC d'as Cuevas de Baticambras
ZEPA de Río Guadalop – Mayestrato.

Vinclos externos

Espacios naturals protechius d'Aragón

Datos: Q8965214