Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cantaviella (Cantavella en catalán, Cantavieja en castellano) ye una villa de la provincia de Teruel, capital de la comarca de lo Mayestrato. La suya población ye de 734 habitants (2021), en una superficie de 124,6 km².

Cantaviella
Municipio d'Aragón
Escudo d'armas
Entidat
 • País
 • Provincia
 • Comarca
Municipio
 Aragón
 Teruel
Mayestrato
Partiu chudicial Alcanyiz
Superficie 124,6 km²
Población
 • Total

726 hab. (2019)
Altaria
 • Meyana

1200 m.
Distancia
 • 100,3 km

enta Teruel
Alcalde Ricardo Altabas Tena
Codigo postal 44140
Parroquial
 • Diocesi
 • Arcipestrau

Teruel y Albarracín
Alcorisa
Ríos Cantaviella
Coordenadas
Cantaviella ubicada en Aragón
Cantaviella
Cantaviella
Cantaviella en Aragón
Web oficial

Cheografía editar

 
Cantaviella (Teruel)

Lo lugar ye situau sobre un cinglo formau por un estrato de calsinera tallau por los costaus este, norte y ueste por l'acción de dos barrancos. La sierra de Palomita con la vistera Muela Monchén (1.779 m) ye en lo norueste de lo termin municipal. La sierra de las Defesas con Tarayuela (1.738 m) ye en lo sud en la muga con lo termin de Mosqueruela, y se prolonga enta lo norueste como sierra de la Rocha de las Defesas en la muga con los termins municipals de Fortanet y Canyada de Benatanduz.

En lo cabo alto de lo termin bi ha pinars de pin royo, modificadas por l'aproveitamiento fustero, pero n'i queda un no modificau, (un pinar de pin royo con sabina chaparra como los de Chabalambre).[1] En lo fondón bi ha carrascals, caixigars y acerals.

Mugas editar

Lo suyo termin muga con La Iglesuela, con Mosqueruela, con Fortanet, con Villar Luengo, con la Canyada de Benatanduz, con Mirambel, con Tronchón y con Villafranca.

Historia editar

Cantaviella estió la seu d'una Bailía templera. Dimpués de la disolución de la Orden de lo Temple pasó a depender de la Orden de lo Hespital adintro de la Castellanía d'Amposta. Perteneixeban a la Bailía de Cantaviella las localidaz de Mirambel, Tronchón, Villar Luengo, La Iglesuela, La Canyada de Benatanduz y La Cuba.[2]

La topografía fa que siga dificil de prener por l'enemigo. Lo cheneral carlista Ramón Cabrera la trigó como capital mientres la primera guerra carlista, pero cuan se firmó la paz entre los isabelins y los carlistas navarros, lo cheneral Baldomero Espartero la prenió y s'escachó lo castiello. En la zaguera guerra carlista Cantaviella tornó a estar la capital de lo nuclio carlista de lo Mayestrato.

Toponimia editar

En los textos templers y atros textos medievals s'escribe Cantaviella; por eixemplo en l'archivo de la Orden de lo Hespital bi ha una colección de 116 leis u ordenanzas de Cantaviella con lo títol Capitolls dados por consello de sabios a los de la Baylía de Cantaviella

Como lo termin de Cantaviella muga con Castellón, existe lo exotoponimo Cantavella en catalán, que tamién existe como apelliu.

Bi ha muitas hipotesis y bella leyenda popular pa explicar l'orichen de lo toponimo. S'ha quiesto relacionar con la ciudat Carthago Vetus que menciona Ptolomeu. Una leyenda local diz una batalla se ganó a los moros con una viella candando una ixota.

Seguntes Alvaro Galmés de Fuentes s'explica por la radiz indoeuropea Kanto (CANTHUS en latín), que significa piedra, cantal u ripa, y la radiz celta bedos, que significa terreno fondo (como en Bedoña, Bedoya, Bedoja y Los Beyos). Alvaro Galmés de Fuentes tien en cuenta que d'antes se deciba Cantaviella pa proponer la secuencia:

  • CANTA BEDIA (rocas talladas por terrenos fondos) > *CANTA BEYA > Cantaviella > Cantavieja.

Lo latinista Agustín Ventura Conejero tamién lo relaciona con lo latín CANTHUS ("cantal").[3]

Demografía editar

Evolución demografica
2021 2022 2023 2024 2025 2026 2027 2028 -
734 707 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración editar

Reparto de concellers editar

Eleccions municipals[4]
Partiu 1979 1983 1987 1991 1995 1999 2003 2007 2011 2015 2019
Partido Popular - 4 3 4 5 3 3 3 4 4
Partido de los Socialistas de Aragón - 3 4 3 1 2 3 3 2 3
Partido Aragonés - - - - 1 2 1 1 1 -
Unión de Centro Democrático 7 - - - - - - - - -
Total 7 7 7 7 7 7 7 7 7 7 7

Alcaldes editar

Lista d'alcaldes
Lechislatura Nombre Partiu politico
19791983 Amador Pascual Altabás Tena UCD
19831987
19871991
19911995
19951999
19992003
20032007 Miguel Ángel Serrano PSOE
20072011
20112015 Ricardo Altabás Tena Partido Popular
2015 - 2019
2019 - 2023

Puestos d'intrés editar

Edificios relichiosos editar

  • Ilesia de l'Asumpción.
  • Ilesia de Sant Miguel (sieglo XV).
  • Ermita de Sant Chuan d'o Barranco (1420).
  • Ermita d'a Virchen d'o Loreto (sieglo XVII).
  • Ermita de Sant Blas.
  • Ermita de Sant Antón.
  • Ermita de Sant Cristofo.

Edificios civils editar

  • Plaza Mayor Porticada u Plaza de Cristo Rei.
  • Casa d'a Villa (sieglo XVI).
  • Casa d'o Baile.
  • Antigo Hespital de Sant Roc (1775).

Edificios militars editar

  • Castiello.

Arbols singulars editar

  • Pin de Torre Altaba.
  • Chinebro de Mas de Perals

Fiestas editar

  • Sant Antón Abad (17 de chinero).
  • Sant Lamberto (17 de chunio).
  • Sant Cristofo (10 de chulio).
  • Entre lo 22 y 26 d'agosto Santa Vicenta Martir y la Virchen de Loreto (fiestas patronals).
  • Tercer domingo de setiembre: feria comercial y de bestiar d'orichen medieval.

Referencias editar

  1. (es) José Manuel González Cano, Raúl Pérez Vicente, Juan Andrés Oria de Rueda: Inventario abierto de los bosques singulares del sector S.E. de la provincia de Teruel. Consejo de Protección de la Naturaleza de Aragón, 2001.
  2. (es) Germán Navarro Espinach Cuentas del Concejo de Mirambel (1472-1489). Instituto de Estudios Turolenses, 2008. p 12.
  3. (es) Agustín Ventura Conejero: Toponimia de la provincia de Teruel. Revista Teruel, nº 48, 1972.
  4. Archivo electoral

Bibliografía editar