Las Planas de Castellot

Las Planas de Castellot (Las Planas de Castellote en castellán) ye un lugar de la provincia de Teruel, situato en lo municipio de Castellot. La suya población ye de 23 habitants(1999).

Las Planas de Castellot
Localidat d'Aragón
Entidat  • País  • Provincia  • Comarca  • Municipio	Lugar Aragón  Teruel Mayestrato Castellot
Población  • Total	23 hab. (1999)
Altaria	690 m.
Distancia  • 154 km	enta Teruel
Codigo postal	44560

Las Planas de Castellot

Las Planas de Castellot

Cheografía

Ye situato a man de lo entibo de Santolea. Lo suyo nuclio s'ha desembolicato arredol de la ilesia de Sant Marcos, de lo sieglo XVII. A man de las planas bi ha lugars d'intrés como la masía de El Huergo, las masías de Perogil u los Perogiles y L'Alconzal.

Ilesia de Sant Marcos (Las Planas de Castellot)

Historia

Plegó a tener 476 habitants en 1875. Dende 1711 dica 1833 pertenex a lo correchimiento d'Alcañiz. En 1834 teneba achuntamiento, estando de lo partito chudicial de Castellot. En 1845 dixa de tener achuntamiento y s'adhibe a lo municipio de Castellot.

En los anyos 1970-1980 uns hippies de ciudat establioron una comuna en Los Perogiles, pero en la més gran parte la deixoron a los pocos anyos, quedando-ne només una familia.

Ilesia de Sant Marcos (Las Planas de Castellot)

Luengas

La población autoctona emplega aragonesismos, a sobén coincidents con lo catalán de Zurita u Auguaviva como batolla, cantara, corbella, cocio, dugal, esculla, estrudes, falz, poyata, samugas, simentallas, tarranclo y zoqueta. Bi ha catalanismos claros como potas, raspall.

Toponimia

Dica 1785 se clamaba Aldeya de Las Planas. Dende 1833 ya s'escribe Las Planas de Castellote.

Referencias

• Chusé Loís Carcelero. Chiqueta replega d'aragonés repuyal feita en as Planas de Castellote. Rebista Ruxiada, L 4, Chulio-Agosto-Setiembre de 1990.