Calanda

Calanda ye un municipio y una villa de la provincia de Teruel, situada en la comarca de lo Baixo Aragón.

Calanda
Municipio d'Aragón
Calanda
Entidat  • País  • Provincia  • Comarca	Municipio  Aragón  Teruel Baixo Aragón
Superficie	112,26 km²
Población  • Total	3753 hab. (2013)
Altaria  • Meyana	450 m.
Distancia  • 139 km	enta Teruel
Alcalde	José Alberto Herrero Bono
Codigo postal	44570
Coordenadas	40°56’22’’N 0°13’53’’U
Calanda Calanda en Aragón
Web oficial

La suya población ye de 3.729 habitants (2017), en una superficie de 112,26 km².

Cheografía

Calanda ye situada en lo semontano de la sierra de Penyas Blancas (entre las primeras sierras de lo Sistema Iberico), y en lo cabo sud de la depresión d'Ebro, a 450 metros d'altaria dencima de lo libel de la mar y a una distancia de 139 km de la ciudat de Teruel, la capital de la suya provincia.

Muito cerca de lo nuclio urbán s'achunta lo río de Calanda con lo río Guadalop; habendo-ie una important huerta en las riberas de los dos ríos. En ixa huerta destaca la producción de prescos y en prenen lur nombre totz los prescos de lo Baixo Aragón: la denominación d'orichen melocotón de Calanda, encara que esta fruita siempre s'ha dito presco en toda la redolada.

Lo terreno plano más alto en dirección ta Alcanyiz ye ocupau por oliverals. Bi ha pinars de pin borde en las zonas más montanyosas de lo sud y este, en dirección ta Lo Mas de las Matas y La Chinebrosa (Desierto de Calanda).

Mugas

	Alcanyiz
Alcorisa		Castelserás, La Torre de Viliella
	Foz Calanda, La Chinebrosa

Historia

En lo periodo musulmán, Qalanna a más de lo nombre de lo lugar yera lo nombre d'un districto, balad. En l'anyo 1119 lo rei Alifonso lo Batallero conquirió Calanda, pero se perdió dimpués de la contraofensiva almorabet que siguió a la derrota en Fraga. La incorporación pa cutio en lo Reino d'Aragón se produció entre 1169 y 1170 baixo Alifonso lo Casto. Poco dimpués fue donada a los calatravos d'Alcanyiz, qui creyoron la comanda de Calanda.

La población musulmana de Calanda y Foz Calanda podió quedar-se dimpués de la reconquiesta a diferencia de muitos lugars de la redolada, pero fue forachitada en 1610.

En 1833 estió lo scenario de la batalla de Calanda de la Primera Guerra Carlista.

Toponimia

Ya existiba en la epoca iberica y se diciba Colenda. En lo periodo andalusí s'escribiba Qalanna.

En la microtoponimia destaca:

• Bell toponimo talment mozarabe como Tolocha. Lo toponimo Castiel puet estar tanto mozarabe como aragonés.
• Bell toponimo aragonés como Abellares, El Regallo, el Cerrallar, y sierra d'el Saso.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									5
Partido Popular									4
Partido Aragonés									2
Total									11

Alcaldes

Lista d'alcaldes

Lechislatura	Nombre	Partiu politico
1979–1983	Ismael Conesa Jarque	UCD
1983–1987	Manuel Magallón	PAR
1987–1991	Mariano Trallero Garcés	PP
1991–1995	Antonio Borraz Ariño	PP
1995–1999	Antonio Borraz Ariño	PP
1999–2003	Antonio Borraz Ariño	PP
2003–2007	Manuel Adrián Royo Ramos	Partido de los Socialistas de Aragón
2007–2011	Manuel Adrián Royo Ramos	Partido de los Socialistas de Aragón
2011–2015	José Ramón Ibáñez Blasco	Partido de los Socialistas de Aragón
2015-2019	José Ramón Ibáñez Blasco	Partido de los Socialistas de Aragón
2019-2023	Alberto Herrero Bono	PP

Puestos d'intrés

Convento d'el Desierto (Calanda, Baixo Aragón, Teruel), declarau Bien d'Intrés Cultural.

• Casa Fortón-Cascajares, en la carrera Mayor 48, actualment seu de lo Centro Buñuel Calanda. Edificio d'estilo neoclasico, protechiu legalment dende 2004 con la suya declaración como Bien d'Intrés Cultural.
• Convento de lo Desierto, a una distancia d'arredol de 12 km de Calanda, d'estilo barroco, de 1608, hue enronau. Ye protechiu legalment con la suya declaración como Bien d'Intrés Cultural.
• Templo del Pilar.
• Restas d'o castiello.

Apellius

L'apelliu Celma ye d'entre los más comuns y ya lo teneba un musulmán que sale en la Carta de población. L'apelliu aragonés Trallero ye común. Existe tamién como caracteristico l'apelliu Mindán, que puet venir de lo francés mendiant, mendigo.

Presonalidatz naixidas de Calanda

Categoría principal: Naixius de Calanda.

• Abd Allah b, Isà al-Saybani, de kunya Abu Muhhamad, un intelectual y relichioso hispanomusulmán muerto en Valencia en 1135.
• Luis Buñuel ye naixiu en Calanda, d'una familia de Foz Calanda.
• Gaspar Sanz.
• Juan de Sesé y Balaguer.
• Mariano Valimaña y Abella.
• Cardenal Cascajares.
• Julián Pastor Alvira.
• Vicente Allanegui.
• Miguel Sancho Izquierdo.
• Manuel Mindán Manero.
• José Arbiol Sanz.
• José Lamiel.

Curiosidatz

• Calanda ye uno de los pocos lugars d'Espanya a on s'han produeito dos miraglos. Lo famoso "Miraglo de Calanda" ye ligau a lo culto a la Virchen de lo Pilar.
• La princesa Letizia Ortiz Rocasolano provién de Calanda por parte de madre. L'apelliu Rocasolano lo trayó ta Calanda un antipasau suyo, Pantaléon Roquesoulane, un occitán que venió ta Calanda dende Marcolès (Auvernia).

Luengas y parlas

Como en tot lo Baixo Aragón en sentiu amplo bi ha muitos aragonesismos, (afogar, taca, endizcar, presco, punchar, etz...). Existe un estudio de lo lexico calandino feito por un fillo d'este lugar. Los aragonesismos presents en la parla calandina son un reflexo de l'aragonés que se i charró, igual como los textos alchamiaus de lo sieglo XV y talment tamién de lo sieglo XVI trobaus en esta localidat, que presentan formas como nueyt, feyto, dito, ecetra.

Localidatz achirmanadas

• Frosins (Alta Garona, Occitania).

Vinclos externos

• Se veigan as imáchens de Commons sobre Calanda.
• www.calanda.es, pachina web oficial.