Galerida cristata

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Galerida cristata
Cocullada común (Galerida cristata)
Denominacions populars
Cocullada, cogullada, cucullada, cugullada, aloda de monyo, aloda monyuda, calandria monyada, cubillada, cucurullada
Estato de conservación
Seguro (IUCN)
Clasificación scientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Alaudidae
Chenero:	Galerida
Especie:	G. cristata
Descripción
Galerida cristata LINNAEUS, 1758
Distribución cheografica
Distribución.

A cocullada común, cucullada común u cogullada común (nombre scientifico: Galerida cristata (L., 1758)) ye un au paseriforme d'a familia Alaudidae, tipica d'espacios ubiertos y que prefiere habitats mas secos que atras alaudidas.

Ye una especie común en campos de cultura, estepas y semidesiertos en Europa, Asia y Africa dica o equador. Ye un paixaro sedentario,^[1] que no migra entre estacions.

DescripciónEditar

A cocullada ye un paixaro de 17 centimetros de lonchitut, que pesa entre 37 y 49 gramos.^[1] Se pareix a-saber-lo a la suya parient l'aloda, con a qual a sobén comparte habitat y costumbres, por lo qual muita chent as confunde. Manimenos, o cuerpo d'a cocullada ye más robusto y no pareix tan grácil como l'aloda, y a cresta de plumas que pueden alzar, alto d'a cabeza, ye más larga y vistable en ista especie, sin que deixe de veyer-se nian quan ye baixada.

O plumache ye marrón u pardo, menos picudo que en atras alaudidas. No tienen dimorfismo sexual; tanto a fembra como lo masclo tienen as mesmas mida y color. Totz os adultos cantan, y lo fan a sobén puyaus en una penya, un muro u qualsiquier atro puesto más alto que o terreno a on viven.^[1]

AlimentaciónEditar

Como as demás alaudidas, as coculladas son granivoras principals, y s'alimentan de granos y simients que troban por o suelo. Son caminaderas, y marchan grans distancias por tierra mirando-se l'alimento. Manimenos, como son paixaros que prefieren os terrens secos y os baldanos más que atros, ambients an que no i ha tanta hierba, son oportunistas con o que troban y consumen tamién muitos insectos y atros invertebraus.

As coculladas consumen más insectos que especies parellanas suyas, como l'aloda, mesmo fueras d'a temporada de reproducción.^[1]

HabitatEditar

A cocullada habita en espacios ubiertos, preferentment secos y con poca vechetación,^[1] dende dunas chunto a la mar dica catarrals y pedrosas. Se troba tamién en uebras y erials humanizaus, en a periferia d'as ciudatz y mesmo no ye raro trobar-se-ne de paso en espacios como un aparcamiento.^[1]

Fa niedo debaixo d'un arbusto u bella mata de hierba, a sobén con o suelo esgarrapau y sin nian amagar-lo. A fembra mete de 3 a 5 uevos y os coba sola mientres 12 días.^[1]