Uevo

Un uevo (pronunciau /ˈbwɛbo/ u /ˈgwɛbo/, como "buevo" u "güevo" respectivament, por protesi debant de diftongo), uego u ou (en aragonés benasqués) (d'o latín < OVUM) ye un cuerpo mas u menos arrondiau y de dureza variable que producen as fembras de muitos animals, y que sirve pa guardar y sustentar o zigoto y dimpués o embrión dica que naixca. L'acción por a qual a fembra libra o uevo a l'exterior se describe con os verbos «ficar o uevo» u «meter o uevo» en aragonés.

Bells uevos d'aus y atros animals

Meten uevos os vertebraus oviparos, en os quals no i ha sique una mica u garra desarrollo adintro de su mai, y tamién muitos invertebraus. O uevo ye a forma clasica de reproducción de muitos peixes, amfibios y reptils, de todas as aus, os mamiferos monotremas y a mayoría d'insectos y aracnidos.

Casca

Ta más detalles, veyer l'articlo casca de uevoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O uevo d'os reptils, as aus y os monotremas presenta una cubierta de carbonato calcico dita casca u cosca. En La Iglesuela se conserva a denominación de clasca.

Uevo amniotico

Ta más detalles, veyer l'articlo uevo amnioticoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Aus, reptils y mamiferos fan servir o uevo amniotico t'o desembolique d'os suyos embrions. Os dos primers grupos presentan un uevo protechito per un embolique externo recio. A cosca guarancia la protección d'o embrión y reduz o efecto d'os achents atmosfericos sobre iste. Antiparti actúa como filtro contra achents patochenos.