Abrir menú principal

Chesús de Mostolay

escritor espanyol
Chesús de Mostolay
Información personal
Calendata de naixencia 1957
Puesto de naixencia Flag of Aragon.svg Adauesca (Semontano de Balbastro, Aragón)
Ocupación Etnografo, escritor y traductor

Chesús Miguel Mostolac Cereza, más conoixito como Chesús de Mostolay (Adauesca, Semontano de Balbastro, 1957) ye un etnografo, escritor y traductor aragonés. Chesús de Mostolay ha publicato numbrosos articlos en revistas de lingüistica y costumbres aragoneses, como Bels bocables de o Semontano de Balbastro (1999). Entre o suyo treballo de traducción destacan as revistas esportivas Don Gols, as de mayor tirache de totz os tiempos en luenga aragonesa.

Ye miembro d'o Consello d'a Fabla Aragonesa y autor d'os libros:

  • 2001: Acordanzas de San Pelegrín.
  • 2007: El aragonés en el Somontano de Barbastro.
  • 2008: Vicente Tobeña y Barba, un ilustrado aragonés.
  • 2008: L'aragonés de a baxa Galliguera.
  • 2009: Como as falzillas. Ista novela ye una de as más amplas que s'han escrito en aragonés, con 372 planas. Siguindo lo bayo que sinyaló en os anyos 80 A lueca, de Chuana Coscujuela, ye plena d'elementos autobiograficos. Como as falzillas ye a historia d'una familia semontanesa y d'un presonache, Chuan Bozau, que as suyas vidas quedarán estronchiquiatas por a Guerra Civil espanyola. L'odio y as ansias de venganza presidirán tot o esdevenir d'o presonache contra ixa inchusta y hipocrita sociedat de postguerra en a que ell no creye y que tanto mal l'ha feito y le ye fendo.