Abrir menú principal
Un mapa de distribución amostrando a distribución y arias de cría d'a gaviota Larus marinus.

Un habitat ye un aria ecolochica u medioambiental que ye habitata por una especie particular d'animal, planta u atro tipo d'organismo.[1][2] Ye o medio natural on vive un organismo, u o medio fisico que lo rodeya y influencía u que fa servir a población d'este organismo.[3]

Contenius

DefiniciónEditar

O termin "población" ye preferible a "organismo" porque si ye posible describir l'habitat d'un onso negro solo tamién ye posible que no podamos trobar atro onso negro particular. Manimenos l'agrupación d'onsos negros que constituye una población reproductora y que ocupa una cierta aria biocheografica. A més, este habitat puet estar bellacosa diferent de l'habitat d'atros onsos negros que vivan en atro puesto, d'astí o termin habitat no se faiga servir ni pa on vive a especie ni on vive l'individuo.

MicrohabitatEditar

O termin microhabitat se fa servir a sobén pa describir requerimientos de poblacions u organismos particulars a una escala chicota.

Habitat suboptimoEditar

Quan una especie va desapareixendo d'a suya aria de distribución va restrinchindo-se a reductos que pueden representar pa ella un "habitat suboptimo" on as condicions no son as més adequatas pa l'alimentación, a reproducción u o suyo comportamiento. N'estas condicions o creiximiento demografico ye baixo u nulo y as posibilidatz de supervivencia u recolonización d'arias millors se reducen.

Un caso d'ocupación d'habitat suboptimo ye l'habitat que ocupa o fardacho d'El Hierro Gallotia simonyi, u as cuevas on cría a foca monche Monachus monachus. S'ha sinyalato que o Parque Nacional d'Ordesa representaba pa o bucardo Capra pyrenaica pyrenaica un habitat suboptimo por a dureza d'as condicions climaticas y que si estió o zaguer puesto on sobrevivió ye porque yera més difícil de cazar. En a extinción de l'Hombre de Neanderthal as tierras altas d'a Peninsula Iberica y os Balcans talment representasen un habitat suboptimo en relación a l'ampla aria que ocupaban enantes d'entrar l'hombre moderno en Orient Meyo y Europa.

Veyer tamiénEditar

ReferenciasEditar

  1. Dickinson, C.I. 1963. British Seaweeds. The Kew Series
  2. Abercrombie, M., Hickman, C.J. and Johnson, M.L. 1966.A Dictionary of Biology. Penguin Reference Books, London
  3. "Living Things: Habitats and Ecosystems". The Franklin Institute. http://www.fi.edu/tfi/units/life/habitat/habitat.html. Retrieved 29 June 2011.