Rudiella

Rudiella (Rudilla en castellán) ye un lugar de las Cuencas Meneras (Teruel, Aragón), pertenexient a lo municipio de Uesa. En l'anyo 1999 teneba 5 habitants.

Rudiella
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Cuencas Meneras Uesa
Población  • Total	5 hab. (1999)
Altaria  • Meyana	1124 m.
Codigo postal	44213
Coordenadas	41° 0’ 1’’N 1° 0’47’’U
Rudiella Rudiella en Aragón

Cheografía

Rudiella ye situata a lo surueste de lo nuclio de Uesa en una prolongación luenga de l'actual termin municipal de Uesa rodeyata por Anadón a lo sureste, Allueva a lo surueste, Fuent Frida a l'ueste l'aria de Perafita de lo termin de Loscos a lo norueste y Mont-fort a lo norte.

Ye a man de lo Puerto de Rudiella, a 1245 m.

Historia

Perteneixió a la Sexma de Trassierra de la Comunidat de Daroca y no a la Honor de Uesa. Mientres a Guerra Civil, o frente de combate yera amán d'o lugar y estió destruito por bombardeyos. Dimpués d'a guerra dende os anyos 1950, dica 1970 tenió una grieu despoblación emigrando os suyos habitants prencipalment enta Zaragoza.

Toponimia

Las formas toponimicas documentatas son Fuent Arodiella en las primicias de 1279-1280 y Rudiella en atros textos como lo fogache de 1495. Esta zaguera dió por castellanización fonetica l'actual Rudilla.

La forma que trobamos en las primicias de 1279-1280 ye intresant porque ye en linia con atros toponimos documentals aragoneses con a debant de r, (Arricla, Arrotellares, Camp Arretunyo, ecetra...), y se considera una influencia linguistica basca en l'aragonés, sobre tot en l'aragonés medieval de l'Alto Aragón.

Referencias

Lugars de lo municipio de Uesa
Uesa | Rudiella