Perafita

Iste articlo ye sobre o lugar d'o municipio de Loscos. Ta atros usos, se veiga Perafita (desambigación).

Perafita (Piedrahita en castellán) ye un lugar aragonés de la provincia de Teruel, pertenexient a lo municipio de Loscos. La suya población ye de 13 habitants (2006).

Perafita
Lugar d'Aragón
Piedrahíta, Teruel, España, 2017-01-04, DD 76.jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Teruel (provincia).svg Teruel
Xiloca
Loscos
Población
 • Total

13 hab. (2006)
Altaria
 • Meyana

1129 m.
Distancia
 • 40 km

enta Calamocha
Codigo postal 44212
Coordenadas
Perafita ubicada en Aragón
Perafita
Perafita
Perafita en Aragón

CheografíaEditar

En la zona de huerta se cautivan unas celebres chodigas.

HistoriaEditar

Lo mesmo rei Alifonso I lo Batallero concedió fuero a Perafita en 1132. Perteneixió a la Sexma de Trassierra de la Comunidat de Daroca.

ToponimiaEditar

Una de las mencions més antigas ye en la Carta de población de Mont-fort, ye latinizau como Petrafixa:

vadit per cordam de Canada sic serta terminat ab occidente usque ad Ozolon que est super lapidem fixum que vocatur Petra-fixa de ipso Ozolone usque ad predicto castillo de Lusche.

Este texto escrito en latín medieval podría explicar la localización de Fadjdj Badra, a on que seguntes Al-Udri yera lo naixedero de La Uerba y que perteneixeba a lo Iqlim de Cutanta[1]. Fadjdj significa en arabe "foz" y habría feito referencia a los espacios entre las sierras y muelas que bi ha en la redolada de lo puerto de Fuent Frida. Batra ye una arabización de "PETRA", documentada en atros puestos.[1]

Perafita s'escribiba Peraffita en la lista de primicias de 1279-1280, Perafita en la manifestación de lo morabetín de 1373 y Piedrafita en lo Fogache de 1495. La chent de la zona dice Pedráita, documentando-se Peráita en Mezquita de Loscos.

En un texto de l'anyo 1485 de la "Documentación medieval de la Cort de lo Chusticia de Ganaders de Zaragoza" s'escribe Pierayta:

con los quales sallieron Sancho Royo e Antón Calbo, vezinos de Pierayta, et los ditos encorrieron el pastor, que sy lo ubieran alcançado creye que lo ubieran muerto.

Cerca de Perafita bi ha microtoponimos en aragonés: Barranco de los Terreros y gallipuente, visibles en las Guías Prames.

MolimentosEditar

ReferenciasEditar

  1. 1,0 1,1 (es) Ortega Ortega, Julián: Sociedad y administración del territorio en el tagr al-‘alà: El ejemplo del iqlim de Qutanda. Arqueología y territorio medieval, ISSN 1134-3184, Nº 5, 1998, pp 31-54.

BibliografíaEditar


Lugars d'o municipio de Loscos
Collado de Per Esteban | Loscos | Mezquita de Loscos | Perafita
Despoblaus: Mercadal