Fagus sylvatica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Fabo | ||||||||||||||||
 Selva de faus | ||||||||||||||||
| ||||||||||||||||
|
| ||||||||||||||||
O fabo, fau u fayo (Fagus sylvatica) ye un árbol caducifolio d'a familia d'as fagacias.
A especie europea d'o fabo ye a Fagus sylvatica, anque existen fabos propios d'altros continens:
Caracteristicas
editarYe un árbol gran, d'entre 25 y 35 metros d'altaria y 1,5 m de diametro troncal, anque puede sobrepasar altarias de 40 m y diametros troncals de 3 m. Vive d'uns 150 a 200 años, podendo plegar ta os 300.
O suyo tronco gosa d'estar recto, largo y d'un griso blanquinyoso, anque en condicions aislatas tamién puede estar curto y de ramache largo, ubierto y preto.
As fuellas, per un regular, son alternas en os tallos chóvens, de coda curta y limbo ovalato con canto ondulato. Os niervos laterals son bien marcatos y paralelos (penninervia), d'una color verda bien intensa per a cara, tornando-sen mas escuros con os anyos, siempre en posición horizontal ta recullir a mas gran cantidat de luz posible.
Ye una planta monoica. As flors masculinas que chita ban acollatas en inflorescencias globosas a lo remate d'un largo pedunclo. As femeninas las chita en grupos d'una a tres, rarament cuatre, sobre un pedunclo curto y erecto, en primeras de color amarillenca y dimpués grisenca, y producen en fecundar-sen uns lulos alargatos y comestibles, con sabor de pipa de chirasol, clamatos fabetas u fayetas.
Habitat
editarL'habitat natural d'o fabo abraca dende o sud de Suecia dica lo centro d'Italia, y dende lo norte de Portugal per l'ueste dica lo nordueste de Turquía per l'este, an ya da paso ta o Fagus orientalis (fabo oriental). En l'aria mediterrania, o fabo se troba en as selvas d'os monts, a una altaria d'entre 600 e 1.800 m.
O fabo habita a temperaturas diferents, anque cal que siga en puestos d'humedat contina.
Usos
editarO fabo fa honra como árbol de guambra ta espacios grans, como parques y chardins.
A suya fusta, tamién apreciata perque se treballa facilment, la emplegan ebanistas y torniadors. Ye útil devez ta procesos de destilación.
Chardinería
editar
O fabo ye bien apreciato como árbol ornamental.
Tolera los hibiernos fridos pero ye sensible a las rosadas de primavera.
Variedaz
editarO Fagus sylvatica conta con muitas variedaz ornamentals, d'entre as cuals:
- F. sylvatica 'Atropurpurea', de fuellas d'un royo escuro;
- F. sylvatica 'Laciniata' u 'Heterophylla' , de fuellas estreitas y sarratas;
- F. sylvatica 'Fastigiata', con o ramache en pilars estreitos;
- F. sylvatica 'Pendula', con o ramache que pincha.
Fitonimia
editarOs fitonimos d'esta especie derivan d'o latín FAGUS y en l'Alto Aragón presentan chenero masculín: fayo, fabo, fau.[1] A forma fau puet tener relación con a forma occitana cheneral fau y a forma occitana gascona hau. A forma fayo ye a que debió tener extensión historica mes gran, y talment explique o toponimo Los Fayos a man de Tarazona. Manimemos en romanz navarro y en o peache de Tarazona d'o sieglo XV l'árbol s'escribiba Faya con chenero femenín como en castellano.
Curiosidaz
editarOs fabos gosan d'estar os árbols d'as selvas que apareixen en muitas d'as falordietas de fadas.
Fabars u Fayars conoixitos son, entre d'altros, a Selva de Fabos que se troba entre Candanchú y la Val d'Aspa, o Fabar de l'Estreito en Ordesa, la Faiada de Malpàs en la Alta Ribagorza oriental u la Fageda d'en Jordà, en la Garrocha a man d'Olot.
Referencias
editar- ↑ (an)/(ca)/(es) Cartel d'a flora (PDF: 13.9 Mb) d'a pachina web "Aragón Natural" d'o Gubierno d'Aragón
Vinclos externos
editar
Se veigan as imáchens de Commons sobre o fabo.
Wikispecies tiene un articlo sobre Fabo.
Datos: Q146149- Multimedia: Fagus sylvatica / Q146149
- Especies: Fagus sylvatica
