Un parque (d'o francés parc y de l'anglés park) ye un espacio natural u semi-natural que puet estar situau en o interior d'una población y s'utiliza como prau, chardín u arboliau pa esparcimiento y recreo d'os ciudadans.

Parque fluvial de Muel
Vista aeria de Hyde Park, Londres

As grans estensiones protechidas por o estau, como parques naturals y nacionals s'adedican a la protección d'a vida salvache y os habitats naturals.

Tamién se conoixen como parques atros recintos, protechius publica u privadament, a on se celebran actividatzs ludicas u de exhibición, como un parque d'atraccions u un parque zoolochico.

Os parques que se manteneban en l'antigüidat de forma privada pa goyo d'os suyos propietarios son en l'actualidat ubiertos a o publico, como os chardins de Versalles, chardins d'o Retiro de Madrit u os antigos parques de cazata de nobles y reis, como a selva de Fontainebleau.

Muitas casas de campo en o Reino Unito y Irlanda encara tienen parques d'iste tipo, os quals dende o sieglo XVIII han estau a sobén achardinaus por estetica. Por un regular son un mezclayo de praderas ubiertas con árbols dispersos y zonas de selvas y gosa estar amugaus por cletas altas. A zona adchacent a la casa ye o chardín y, en bells casos, iste tamién presenta praderas y árbols dispersos, manimenos lo que esferencia basicament o parque d'o chardín en una casa de campo ye que o parque ye habitau por animals, mientres que istos son escluyius d'o chardín.

Os parques publicosEditar

Os parques publicos, adintro d'as grans ciudatz chugan un rol muit important en l'amilloramiento d'a calidat de vida d'os habitadors. A OMS estableixe o minimo de chardins publicos u arias verdas, pa as ciudatz, en 9 m²/habitant.[1]

Se veiga tamiénEditar

ReferenciasEditar

  1. (es) Perspectivas del Medio Ambiente Urbano: GEO - El Alto. Proyecto GEO Ciudades. El Alto, Bolivia, 2008. ISBN 978-99905-994-0-4 Pa. 76.