Estela discoidal

Una estela discoidal ye un molimento funerario que se puet trobar en bellas zonas d'Europa occidental, Rusia, Berbería, y Orient meyo (Siria y antiga Armenia). En Aragón ye tipico d'os fosals medievals d'a comarca d'o Matarranya y encara ye abundant en os fosals d'o País Basco Francés, on son conoixitas como Hilarri.

Estela discoidal con un cuatrefuellas.

En as estelas entallaban simbolos pagans solars como rosetas, flors d'a vida, y cristianos. En as estelas discoidals d'o País Basco francés ye tipica la presencia de cuatrefuellas.

Estelas discoidals en a comuna de Luhuso.

A tradición de fer estelas discoidals ye antiga y ya en a Edat de Bronce en tenemos eixemplos en o sud-ueste d'a Peninsula Iberica (estelas d'o sud-ueste). A estela de Luna ye un caso anomalo porque por as suyas caracteristicas ye clasificable como una estela d'o sud-ueste y s'ha trobato en o nord-este d'a peninsula.

• Datos: Q16678077