Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ixep (en castellano Ejep) ye un lugar aragonés de la comarca de Ribagorza y provincia de Uesca. En tiempos yera parti d'el nuclio poblacional de Paniello, pero en l'actualidat perteneixe a Graus, capital de Ribagorza Baixa.

Ixep
Lugar d'Aragón
Entidat
 • País
 • Provincia
 • Comarca
 • Municipio
Lugar
 Aragón
 Uesca
Ribagorza
Graus
Partiu chudicial Balbastro
Población
 • Total

15 hab. (2018)
Altaria
 • Meyana

737 m.
Distancia
 • 97 km

enta Uesca
Codigo postal 22430
Parroquial
 • Diocesi
 • Arcipestrau

Balbastro-Monzón
Sobrarbe-Ribagorza
Coordenadas
Ixep ubicada en Aragón
Ixep
Ixep
Ixep en Aragón

La suya población ye de 15 habitants.

Localización cheografica editar

Ixep se situga a 737 metros d'altaria sobre el livel d'a mar, a una distancia d'once kilometros d'el norte de Graus, en la versant dreita d'el riu Esera, el cual trescruza ista población y desemboca en la Cinca. Encara d'estar desapartau de l'Esera, el lugar bebe d'el riu dende a creyación de la planta depuradora situada n'el lugar vecín de Torrobato. D'antis mas, bebeba y arregaba con l'augua de bel pozo de la serra Paniello.

Se troba situau a una distancia de 97 km de la ciudat de Uesca, la capital de la suya provincia.

Urbanismo editar

L'urbanismo ye irregular de tot y componiu por una plaza y catorce casas ripartitas a traviés de dos carreras principals. En la plaza bi ha bancos ta escansar-se, una canasta que ye obchecto de chuego y l'antigo lavadero. Manimenos, el mas important ye la ilesia cristiana que, asinas como indica el busto labrau en piedra situau n'el portiello, ye adedicada a Sant Per. En ista talla pués uellar a imachen el sant con una gran clau, signo de la Ilesia catolica. En zagueras, el templo de planta cuadrada ha goyau de bel proceso de rehabilitación. En istos, las dependencias d'el mosén han estau sacadas y reconvertitas en bel espacio social: una gran sala con barra, una cambra de vesita medica y una chicorrota cambra d'exposicions.

Las casas se riparten en una carrera principal, una carrera redolar y cuatro camins. En la carrera principal d'el lugar bi ha Ca Marco, Ca Torrent, Ca Cambra, Ca Valero y Ca Blas. Trescruzaus con esta carrera, el camín que va ta la plaza, a Ca Chía y el camín d'encomienzo a C'Acenar. En la carrera redolar bi ha Ca Barón, Ca Volante, Ca Barrabés, Ca Valdellou y Ca Rei. Trescruzaus con ista carrera, camín Volante a l'antiga Ca Teixidor y camín la Escuela a este antigo edificio convertiu en casa. Antiparti, bi ha huertetas ripartidas por tot el municipio y las torres con animals sen toz luent d'el lugar.

Población y luenga editar

En comienzos d'el XXIeno sieglo, la población censada yera d'arredol 22 habitants, pero cal dicir que el numero real d'habitadors ye variable en función de la epoca de l'anyo u mesmo de l'anyada. O chentilicio d'el lugar ye ixepino/ina/ins/inas, lugar que conserva a parla baixo-ribagorzana, variant de l'aragonés, como luenga materna. En l'actualidat, la suya usanza escomencipia amenguar en favor d'el castellano, pero encara se'n continan sentint muitas parolas y expresions.

Economía y turismo editar

Las principals actividaz economicas d'Ixep sen l'agricultura de cerial de secano, amás de las huertas individuals, y la cría d'animals: tocins, pollos, conillos... Zaguerament, s'ha desarrollau el turismo rural gracias a la sobrebuena localización d'el municipio. Este ufre la posibilidat d'amanar-te por endreceras valizadas enta lugars albandonaus, como Arbués y Aldeya Mora; espleitar conoixient atros lugars de la serra Paniello u de la comarca de Ribargoza; ficar-te en augua en l'Esera u vesitar el centro budista Dag Sang Kagyu, situau entre Paniello y Ixep.

Fiestas editar

Las fiestas grans d'el lugar se celebran en honor a Sant Agostín, el zaguer cabo de semanada d'agosto. Por un regular bi ha misa patronal con riparto de vin y torta a la suya fin, sorteyo de pernils, chuegos infantils, campionato de guinyote y concierto de nueit. Atras celebracions se fan arredol de las dos armitas d'el municipio. D'un costau, cada primer domingo mayo bi ha romería ta Sant Chuan (y Sant Pavlo), con riparto de vin y torta, y una lifara popular. D'atro costau, cada 20 chinero la chent va ta Sant Sebastián a chuntas con las chents orichinarias d'es pueblos vecins de Torrobato, Perarruga, Arbués y El Mon. Por un regular bi ha chenta u riparto de vin y torta.