Linache d'os Ximénez d'Urreya
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Los Ximénez d'Urreya estioron de las familias nobles mes importants y poderosas de lo Reino d'Aragón en la Edat Meya, y reconoixida por Carlos I d'Espanya en las Corz de Monzón de 1528 como una d'as ueito casas "grans d'Aragón".
As suyas armas heraldicas estioron un escudo bandau de seis piezas d'azur y argent, tres de cada esmalt.
Miembros d'esta familia destacoron en la reconquiesta aragonesa y valenciana y en la chestión de las institucions que i habió en la Corona d'Aragón, y tamién ocuporon cargos en la hierarquía eclesiástica como lo bispe de Tarazona Miguel Ximénez de Urreya.
Este linache ye conoixiu dende lo reinau de Remiro II d'Aragón con Rui Pérez d'Urreya. Teneban la sinyoría d'Urreya de Xalón, Lo Bayo, Biota
Fruito de la intervención en la reconquiesta valenciana Chaime I lis concedió la tenencia de l'Alcalatén. Tenioron tamién lo castiello de Peracens.
En la batalla d'Epila lo sinyor de Biota Chuan Ximénez d'Urreya estió qui mandaba las tropas de la Unión Aragonesa.
D'este linache desciende Lope d'Urreya, primer vizconte de Rueda de Xalón y sinyor d'Aranda y Epila. En 1488 Ferrando II d'Aragón dará lo títol de Contes d'Aranda a un miembro d'esta familia: Lope IV Ximénez d'Urreya,[1] qui ya yera vizconte de Rueda, sinyor d'Almonecir, Epila, Trasmoz, la Mata de Castelviello, Saliellas de Xalón y Casanueva y que por l'adquisición de Lumpiac y Sunyén en 1482 s'aseguró o dominio cuasi absoluto de la ribera baixa de Xalón y las vals d'Aranda y Isuela.
La sinyoría de Bervedel tamién perteneixió a un Urreya.
Lo zaguer miembro d'este linache estió lo celebre Conte d'Aranda Pedro Pablo Abarca de Boleya Ximenez d'Urreya.
Referencias
editar- ↑ (es) Navarro Espinach, Germán: La formación de los señoríos del Condado de Aranda publicau en El Condado de Aranda y la nobleza española en el Antiguo Régimen, 2009, ISBN 978-84-9911-042-4 , pp. 65-84 .
| Casas nobles d'a tierra en Aragón | |
|---|---|
| Alagón | Castro | Ferrández d'Heredia | Ferrández d'Íxar | Ferrández de Luna | Gurrea d'Aragón | Martínez de Luna | Ximénez d'Urreya |
Datos: Q13049350
Multimedia: House of Ximénez de Urrea / Q13049350
