Chuan Ferrández d'Íxar y Centelles

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chuan Ferrández d'Íxar y Centelles
Barón d'Íxar
Barón d'Íxar
1400–1456
Predecesor	Alifonso Ferrández d'Íxar y Mexías
Succesor	Chuan II Ferrández d'Íxar y Cabrera
Muerte	1456 Castiello-palacio d'Íxar
Enterreco	Ordenó ser apedecato en a Ilesia mayor d'Ixar
Conchuche/s	María de Luna, Timbor de Cabrera
Descendencia	Chuan II Ferrández d'Íxar y Cabrera, Alonso Ferrández d'Íxar y Cabrera
Dinastía	Casa d'Íxar
Pai	Alifonso Ferrández d'Íxar y Mexías
Mai	Carroz de Vilanova

Chuan Ferrández d'Íxar y Centelles l'orador estió o seiseno sinyor d'Íxar, entre os anyos 1400 y 1456. Estió erudito y teneba facilidat de palabra. Baixo o suyo mandato s'escribió un "cancionero", compilación de romances. A lo prencipio yera partidario de Chaime d'Urchel, pero dimpués colaboró con Ferrando I d'Aragón. Estió embaixador, consellero y mayordombre d'Alifonso V lo Magnanimo.

Estió embaixador d'o rei a man de l'emperador Sechismundo y d'o Concilio de Gostanza en 1414. En 1415 o rei li demanda que retorne de Gostanza pa que lo informase y li acomanda que chestione a entrevista de Sechismundo y d'o papa Benedet XIII.

O 28 de marzo de 1420 Chuan Ferrández d'Íxar y Centelles y cinco consellers obligan a renunciar a lo chusticia Chuan Ximénez Cerdán y ye nombrato don Berenguer de Bardaxí.

En l'anyo 1421 manda en cabo l'exercito d'Aragón en a campanya d'Italia reducindo a rechión de Calabria y conquerindo Nicastro y Melito. Fue nombrato visorrei y duque de Calabria.

O 19 de noviembre de 1428 acompanya a lo rei a las Corz de Teruel y ye nombrato deputato.

O Magnanimo li donó Binaceit y en 1431 li cedió Lecera por compra. En l'anyo 1432 Alifonso V li vendió a part de Belchit que no li pertanyeba por 16.000 florins. En o suyo mandato a casa d'Íxar se convertió en una d'as casas nobles mes importants d'Aragón.

En o suyo testamento mostraba satisfacción por os suyos logros:

anuezco e perpetua, indivisible e inseparable union fago de los castillos, villas e lugares de Ixar, Urrea, La Pobla de Gayen e La Pobla de Benalfajar, de Belchit, Almonezir e La Pobla de Alborton, e de Lezera e Binazeyt, con toda la jurisdiccion civil e criminal, mero e mixtico (sic) imperio que yo he e a mi se pertenece en aquellos, en tal manera que los ditos castillos, villas e lugares ... no pueda seyer disgregados, divididos ni separados, antes esten e permanezcan perpetualmente una baronia e un cuerpo

Bibliografía

• (es) Demelsa Ortiz Cruz: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar
• (es) Mariano Laborda: Recuerdos de Híjar. Editato por lo Centro de Iniciativas Turísticas del Cuadro Artístico de Híjar, 1980.

• Datos: Q11927762