Gayén
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Gayén (en castellano Gaén) ye un toponimo mencionau en textos medievals que puet fer referencia a un antigo nuclio de población que i heba en lo termin de l'actual Puebla d'Íxar en la epoca musulmana antes de la repoblación.
| Gayén Gaén | |
| Despoblau medieval d'Aragón | |
| Entidat • País • Provincia • Comarca • Municipio |
Despoblau medieval Aragón.svg){kind=small} TeruelBaixo Martín La Puebla d'Íxar |
| Partiu chudicial | Alcanyiz |
| Población • Total |
0 hab. |
| Parroquial • Archidiocesi • Arcipestrau |
Zaragoza Íxar |
| Coordenadas | |
Ye posible que lo nuclio habitau antes de la Reconquiesta fuese d'orichen hispanorromano, porque pareix remontar-se a un Gaienus u Gaianus,[1] y faría referencia a la propiedat d'un terratenient dito Gaius. De feito en La Puebla d'Íxar bi ha restos d'una villa romana cerca de la Fuente del Charif.
Se fa mención de Gaén en la traducción a lo castellano de la Carta de población d'Íxar (entre Gaén y la Vega). La Carta de población la atorgoron en 1285 y lo texto orichinal ye en latín, pero desgraciadament l'orichinal lo cremoron en la Guerra Civil.
Como ha esdeveniu en Puebla d'Arenoso y Puebla de Castro, dimpués de la reconquiesta cuan s'atorgó la Carta de población amaneixió lo nuclio de Pobla de Gayén que con lo tiempo substituyó u absorbió a Gayén.
Lo toponimo Gayén existiba como apelliu en lo sieglo XV en Albalat de l'Arcebispe. Tamién en un texto de lo sieglo XV escrito en Las Cuevas de Canyart se fa mención d'una persona natural de Gaén. Tamién trobamos un Vallero Gallen en lo Libro de la colecta de la pecha (1360-1369) en Mosqueruela.
Lo toponimo persiste en la toponimia actual con la zaica Gaén que leva l'augua de lo río Martín ta la Puebla d'Íxar, y en Urrea de Gaén cuan Urreya d'Íxar y La Puebla de Gayén cambioron las suyas terminacions.
Referencias
editar- ↑ (es) Agustín Ventura Conejero: Toponimia de la provincia de Teruel. Revista Teruel, nº 48, 1972, pp 221-245
