Luis Buñuel

Ta atros emplegos de Buñuel se veiga Buñuel (desambigación).
Luis Buñuel
Buñuel
Buñuel
Información personal
Calendata naiximiento: 22 de febrero de 1900
Puesto naiximiento: Bandera d'Aragón Calanda, Aragón
Calendata muerte: 29 de chulio de 1983
Puesto muerte: Bandera de Mexico Ciudat de Mexico, Mexico
Conchuche: Jeanne Rucar (1925-1983)
Fillos: Juan Luis Buñuel (1934-2017)
Rafael Buñuel (1940-¿?)
Premios Ariel
Ariel d'Oro
-1978
Ariel a o Millor Director
-1951
-1956

Luis Buñuel Portolés, naixiu o 22 de febrero de 1900 de Calanda (Teruel) y muerto o 29 de chulio de 1983 en Ciudat de Mexico, estió un director de cine aragonés que treballó en Mexico y Francia.

As suyas cenisas fuoron esparditas en lo mont Tolocha en l'anyo 1996.[1]

ObraEditar

Tot ye permitiu y cosa ye verdat seguntes a obra de Luis Buñuel. Con o film Un can andaluz, iste director aragonés causó sensación en 1929 en París, en a que contó con a colaboración d'o pintor catalán Salvador Dalí. A cinta incluye una d'as scenas más esgarrifosas d'a historia d'o cine: un fina boira que cubre una luna plena da paso a un uello tallau por una novalla d'afaitar. Buñuel con ista inchenyosa metafora tractaba de destruyir a confianza en a veracidat d'o que o uello veye. Asombró y escandalizó a pelicula y contina estando a declaración surrealista por excelencia. A este le siguió A edat d'oro o 1930, muito más apostolica, sobre tot en o suyo ataque a la ilesia de Roma.[2]

A Guerra Civil Espanyola le obligó a exiliar-se en Mexico, an se conformó, con subvaloraus melodramas en os quals o surrealismo ye superau por a crueldat d'a vida mesma. En tornar ta Espanya, Buñuel rodó As Hurdes (1933), un documental sobre a vida rural en una zona aislada d'o país.[2]

Con Viridiana (1961), Buñuel atrayió l'atención d'o publico internacional. O film causó furor por os suyos contenius, que se creyeban blasfemos. O suyo estilo se convirtió en o modelo pa la carrera ya agorrenca de Buñuel, que se centró en l'absurdo d'as ceremonias cutianas y os vanos esfuerzos d'a burguesia por mantener a dignidat.<ref name = "50directores">

A la fosca y austera Diario d'una cambrero (1964) le siguió Bella de día (1967), a suya cinta más retuerta. En ella un analisi freudiano fa conectar o deseyo sexual con o capitalismo. O discreto encanto d'a burguesia (1972) satiriza a solidez d'as rutinas, as chicotas mentiras y os enganyos habituals en as relacions educadas. Encara que esclate a revolución, os convidaus a la cena prefieren a conversación sofisticada a la inconvenient realidat.[2]

As dos zagueras citas de Buñuel, A pantasma d'a libertat (1974) y Ixe escuro objeo d'o deseyo (1977), son talment as más perversas. A primera exposa a banalidad d'a violencia; a segunda explica a fascinación d'os surrealistas por o fetichismo. A Buñuel se l'ha acusau muitas vegadas d'enganyar, mesmo en a suya autobiografia, pero siempre acaba imposando-se o suyo sentiu de l'humor sobre a suya falta de sinceridat.[2]

PremiosEditar

Buñuel recibió en 1978 un Premio Ariel d'Oro de l'Academia Mexicana d'Artes y Sciencias Cinematograficas. Tamién recibió dos Premios Ariel a o Millor Director (en 1951 por Los olvidados y en 1956 por Robinson Crusoe y estió finalista en 1953.

ReferenciasEditar

  1. Desvelado el emplazamiento de los restos de Buñuel: Los montes de Calanda.
  2. 2,0 2,1 2,2 2,3 (es) Editorial Grijalbo 501 Directores de Cine, Steven Jay Schneider. Pags. 116/17 (ISBN 978-84-253-4264-6)

Vinclos externosEditar


Predecesor:
Rodolfo Echeverría
Premio Ariel d'Oro
1978
Succesor:
María Félix (en 1986)
Predecesor:
Alejandro Galindo
Premio Ariel a o Millor Director
1951
Succesor:
Alejandro Galindo
Predecesor:
Alfonso Corona Blake
Premio Ariel a o Millor Director
1956
Succesor:
Roberto Gavaldón