Bureta

Bureta ye un municipio aragonés de la provincia de Zaragoza, situato en la comarca de lo Campo de Borcha. La suya población ye de 288 habitants (INE 2006), en una superficie de 11,9 km².

Bureta
Municipio d'Aragón
Entidat  • País  • Provincia  • Comarca	Municipio  Aragón  Zaragoza Campo de Borcha
Superficie	11,9 km²
Población  • Total	213 hab. (2013)
Altaria  • Meyana	410 m.
Distancia  • 65 km	enta Zaragoza
Alcalde	Jesus Domingo Borobia Martinez
Codigo postal	50547
Coordenadas	41°48’55’’N 1°30’14’’U
Bureta Bureta en Aragón

Cheografía

Ye situato en una plana a la dreita de la Uecha, a mayor altaria que la ribera.

Toponimia

En un documento de 1142 de l'Archivo de lo Pilar s'escribe Burota:

Petrus de Orreia, Albertus de Cartres et Garnerius Salvage, & Robertus de Montagud & Navarron ¬ Bernardus, filius Godofre de Burota & Perot de Cortes

Lo suyo nombre fegura latinizato como Borota en 1158 en la Bula d'Hadrián IV, bula que confirma a lo bispe de Zaragoza la posesión de las ilesias de la diocesi, y confirma las mugas de lo bispato d'alcuerdo con las que fació lo rei visigodo Wamba:

ecclesias de Noveles, de Razacol, de Crots, de Meslie, de Frescaron, de Magalon, de Alberit, de Borota, de Aianzione, de Crocle, que in vivo Burge continentur, cum omnibus pertinentiis suis; ecclesias de Purillosa, de Calcena, de Terga, de Aranda, de Siarga, et de Arandega, cum omnibus pertinentiis suis

En lo fogache de 1405 ordenato en las Cortz de Maella de 1404 s'escribiba Brueta u Borueta.

Apareixe qualque microtoponimo Bureta en l'aria de Pedrola y totz en elevacions de lo terreno u cabezos. Existe un Burueta como microtoponimo en Bubierca.

Juan A. Frago Gracia interpreta que Bureta ye lo resultado de la reducción de lo diftongo -ue- en un hipotetico Burueta. Este hipotetico Burueta sería enantes en fase latina Burota, una derivación de la radiz basca Buru ("cabeza") y lo sufixo latín -OTTUS (que ha orichinau lo sufixo -ot). De feito, a parte de lo Burueta de Bubierca, en un texto de Magallón de quan facioron fuera a los chodigos figura un Stevan de Buyueta.

Asinas podemos interpretar este toponimo gran y los microtoponimos como resultato de las repoblacions con navarros dimpués de la reconquista.

Historia

Dimpués d'a suya conquiesta a los musulmans en 1119 per Alifonso I d'Aragón se convirtió en tierras de senyorío. En 1136 estió temporalment conquerida per tropas d'o rei de Pamplona García Remíriz. En 1149 estió recuperada pa Aragón per o conte de Barcelona y principe d'Aragón Remón Berenguer IV. Perteneixió a la familia Luna (dende lo sieglo XIII dica lo sieglo XV), posteriorment a lo linache d'os Moncayo (sieglo XV), a los Saldanya (sieglo XV), y finalment a la familia d'os Francia dende lo sieglo XV dica lo sieglo XVI . En 1610 Bureta quedó totalment espoblada como conseqüencia d'a execución d'o decreto d'expulsión d'os moriscos aragoneses. En 1678 o periodo senyorial finaliza y da paso enta la etapa contal. O mas famoso d'os personaches d'o Condau de Bureta ye María d'a Consolación d'Azlor y Villavicencio, que yera la contesa de Bureta y remató estando una heroína mientres os Setios de Zaragoza.

Demografía

Evolución demografica

1900	1910	1920	1930	1940	1950	1960	1970	1981	1991	2001	2004
685	628	660	636	577	615	534	471	400	342	313	303

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									4
Partido de los Socialistas de Aragón									3
Total									7

Alcaldes

Lista d'alcaldes

Lechislatura	Nombre	Partito politico
1979–1983	Fortunato Navascués Añón	Unión de Centro Democrático
1983–1987
1987–1991
1991–1995
1995–1999
1999–2003
2003–2007	Julián Juan García Arellano	PSOE
2007–2011	Julián Juan García Arellano	PSOE
2011–2015	Jesús Domongo Borobia Martínez	Partido Popular
2015–2019	Jesús Domongo Borobia Martínez	Partido Popular
2019–2023	Roberto Sanchez Martínez	PSOE

Puestos d'intrés

• Árbol blanco
• Palacio d'os Contes de Bureta
• Ilesia d'a Santa Cruz

Fiestas

• Natividat de la Virchen, 8 de setiembre.
• Purisma votada, 23 d'octubre.