Exarc de Moncayo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Exarc de Moncayo (Jarque en castellano) ye un municipio de la provincia de Zaragoza (Aragón), situau en la comarca de l'Aranda. La suya población ye de 529 habitants (INE 2013), en una superficie de 43,11 km² y una densidat de población de 12,3 hab/km².

Exarc de Moncayo
Municipio d'Aragón
Exarc con lo suyo castiello
Entidat  • País  • Provincia  • Comarca	Municipio  Aragón  Zaragoza Aranda
Partiu chudicial	L'Almunia de Donya Godina
Superficie	43,11 km²
Población  • Total	407 hab. (2013)
Altaria  • Meyana	631 m.
Distancia  • 96 km	enta Zaragoza
Alcalde	Miguel Ángel Garcés Zapata
Codigo postal	50258
Chentilicio	exarquins
Coordenadas	41°33’22’’N 1°40’41’’U
Exarc de Moncayo Exarc de Moncayo en Aragón

Cheografía

Ye situau en la Val de l'Aranda, a piet de la Sierra de la Virchen. En esta localidat s'ha definiu la falla d'Exarc, que afecta a los materials paleozoicos de lo Macizo de Calatayú y Mont-albán, que desparte la Unidat de Mesons de la Unidat de Baduls, y tamién esta primera unidat de los materials no paleozoicos que bi ha a l'este.

Toponimia

Lo toponimo Exarc ye d'orichen arabe (xarc significa orient en arabe), pero no ye de descartar que pueda estar una radiz celta (terminacions en -aco) arabizada. Seguntes Zurita este lugar ya existiba como Siarchum en 1147.

Fegura como Siarga en un documento de 1158, quan lo Papa Hadrián IV confirmó a lo bispe de Zaragoza la posesión de las ilesias de la diocesi, y confirmó las mugas de lo bispato d'acuerdo con las que fació lo rei visigodo Wamba:

ecclesias de Noveles, de Razacol, de Crots, de Meslie, de Frescaron, de Magalon, de Alberit, de Borota, de Aianzione, de Crocle, que in vivo Burge continentur, cum omnibus pertinentiis suis; ecclesias de Purillosa, de Calcena, de Terga, de Aranda, de Siarga, et de Arandega, cum omnibus pertinentiis suis

En lo Fogache de 1495, ye mencionau como Xarch.

Historia

Estió propiedat de los Fernández de Luna dica 1382, quan pasó a mans de los Urreya.

Demografía

Evolución demografica

2003 2004 2005 2006 2007 2008 2009 2010 2011 - - - - - - - - -

2012 2013 2014 2015 2016 2017 2018 2019 2020 - 529 - - - - - - -

2021 2022 2023 2024 2025 2026 2027 2028 - - 407 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									6
Partido de los Socialistas de Aragón									1
Total									7

Alcaldes

Lista d'alcaldes

Lechislatura	Nombre	Partiu politico
1979–1983	Santiago Marquina Liarte	Independient
1983–1987
1987–1991
1991–1995
1995–1999
1999–2003
2003–2007
2007–2011	Manuel Saldaña Marquina	Partido Aragonés
2011–2015	Miguel Ángel Garcés Zapata	Partido Aragonés
2015-2019	Miguel Ángel Garcés Zapata	Partido Aragonés
2019-2023	María Carmen Serrano	PSOE

Puestos d'intrés

• Restas d'o castiello.
• Ilesia d'a Presentación d'a Virchen.
• Ermita d'a Virchen d'o Rosario.
• Ermita de Sant Sabastián.
• Ermita d'a Virchen d'a Soledat.

Curiosidatz

Exarc tenió la biblioteca mas important de temas aragoneses, la Biblioteca Moncayo, creyada por Santiago Marquina, padre de Luis Marquina, lo popular librero zaragozano. Esta biblioteca de temas y autors d'Aragón tien mas de 10.000 libros. Mientres yera en Exarc yera ubierta a lo publico en cheneral y a sobén visitada por investigadors y estudiosos; la prenió Ibercaja y la conserva en la Biblioteca José Sinués de Zaragoza.

Fiestas

• Virchen d'el Rosario, agosto.
• Patronals, setiembre.

Vinclos externos

• Se veigan as imachens de Commons sobre Exarc de Moncayo.