Abrir menú principal
Banyos de Benás
Baños de Benasque.jpg
Banyos de Benás
Situación cheografica
Estato
País Flag of Aragon.svg Aragón
Comarca Ribagorza
Situación Benás
Adreza Carretera de Francia, S/N. 22440 Benás - Uesca
Altaria 1.720 m
Servicios
Auguas Hipotonicas, sulfhidricas, silico-carbonatatas, alcalino-calcias, oligominerals y bicarbonatatas
Fuents Sant Marcial, Sant Cosme, Sant Roque, Sant Chuan y Sant Veturián.
Ríos
Lacos {{{lacos}}}
Ubierto Meyatos de chunio-primerías d'octubre
Servicios Pictograms-nps-food service-2.svg Pictograms-nps-lodging-2.svg Pictograms-nps-bicycle trail.svg NPS map symbol trailhead.png Pictograms-nps-horseback riding-2.svg Pictograms-nps-land-hang gliding-2.svg Pictograms-nps-land-climbing-2.svg Pictograms-nps-swimming.svg NPS map symbol fishing.svg
Premios
Construcción
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Localización
Banyos de Benás en Aragón
Banyos de Benás
Banyos de Benás
Situación de Banyos de Benás en Aragón
Pachina web

Os banyos de Benás son un balneyario aragonés situato en o municipio de Benás, en a comarca de Ribagorza. O balneyario se troba situato en o interior d'a val, a on que as vistas son prou politas. Con una altaria de 1.720 m ye o balneyario mas alto d'Aragón y d'Espanya.

Contenius

HistoriaEditar

Estioron os romans os primers en aproveitar as propiedatz curativas d'istas auguas termals, manimenos as primeras noticias decumentals que conoixemos son de l'anyo 1522[1], quan l'apoticario de Benás Francisco Frigoiti administraba istas auguas.

O licenciato en medecina y monche de Sant Veturián Pedro Lecina da nuevas referencias sobre istas auguas dos sieglos dimpués, en l'anyo 1721. O monche charra sobre as fuents de Sant Marcial, Sant Cosme, Sant Roque, Sant Chuan, Sant Veturián y Opiliadas y recuenta l'analís que fa d'as auguas chunto a l'apoticario local, Bartolomé Juste.

En 1801, l'alavez menistro de Guerra, o benasqués Antonio Cornel construye una casa en os banyos que milloraría o tamién benasqués, senador y menistro d'Hicienda José Ferraz y Cornel. Quatro anyos dimpués amaneixe o folleto "Tratado de las virtudes y usos de las aguas minerales de la villa de Benasque" que publica en Zaragoza Anacleto Bada y que da datos, indicacions y contraindicacions d'istas auguas.

Mientres a Guerra Civil se cremoron as instalacions d'os banyos y en rematar istas Valero Llanas Tolosa, con una concesión d'o Concello de Benás, reconstruyó y modernizo o balneyario.

A declaración en 1967 d'as aguas como mineromedicinals suposó un empentón ta l'actividat d'o complexo.

Auguas y tractamientosEditar

As auguas termals de Benás son hipotonicas, sulfhidricas, silico-carbonatatas, alcalino-calcias, oligominerals y bicarbonatatas y salen a 37ºC de temperatura.

As propiedatz d'istas auguas son relaxants, antinflamatorias, diureticas y depurativas y son buenas ta os reumatismos, artrosis, estrés, calculos renals, bronquitis u malautías de l'aparato dichestivo entre atras.

Entre os tractamientos que se ofreixen se troban o hidromasache, o banyo d'algas, ducha de chorro, ducha benasquesa, gabinetz de masache, bardoterapia, yoga y aromaterapia. Bi ha un equipe de medicos hidrologos y fisioterapeutas a o servicio d'os clients.

ServiciosEditar

O complexo ye ubierto entre os meses de chunio y setiembre, con un hostal d'una estrela con capacidat ta 80 personas restaurant, servicio de pic-nic ta excursions, tabierna, salón de TV, salón ta actividatz y chuegos, terraza solarium y sala de lectura. As instalacions encluyen tamién piscina cubierta, parque infantil y campo de petanca.

Por a suya situación, aintro d'o Parque Natural de Pocetz-Maladeta, ye o punto perfecto ta salir a fer gambadas por a montanya. Se troba situato a 1.720 m d'altaria baixo os macizos de l'Aneto y a Maladeta, por o que se i puet fer senderismo (o GR 11 pasa amán), alpinismo, escalada, barranquismo, gambadas a caballo u con bicicleta de montanya, pesca u parapent entre atras actividatz esportivas.

Os banyos encantatos de BenásEditar

Seguntes diz una leyenda d'a zona bi ha una espluga amán d'os Banyos de Benás a on se troban engarcholatos os servidors d'o Diaple, convertitos totz en piedras y rodiatos de flamas. Pareixe que o suyo sinyor les castigo, habendo de permaneixer astí, debito a que no yeran prou malos. O encantamiento s'esferá quan apareixca en Ribargorza un ser que sía prou malo.

Se diz que a razón de que as auguas d'os banyos salgan d'a tierra calients ye que provienen d'ista espluga, y que son as flamas d'os servidors presos d'o Diaple as que la fan calentar. Ye por ixo que una persona no ha de banyar-se mas de nueu días consecutivos en istas auguas, si no quiere exponer-se a o maleficio d'os diaples que se troban en a espluga.

ReferenciasEditar

  1. Los balnearios aragoneses. Fernando Solsona. Cai 100. Nº37. ISBN 84-95306-03-4

Vinclos externosEditar