Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una piscina ye una basa artificial d'obra destinata a banyar-se-ie, a nadar u a practicar-ie diversos esportes relacionatos con a natación.[1] As dimensions d'ista pueden estar muit variables: amás gran ye a mida olimpica, de 50 metros. Puet estar formata por diferents elementos: metals, plasticos u formigón.

Una piscina.

A parola piscina proviene d'o latín piscīna[2] y orichinalment s'emplegaba ta decir os pozos ta peixes d'augua dulce u salata. Tamién s'emplego ta decir os depositos d'augua connectatos a los acueductos. Os primers cristianos deciban piscina a la pila baptismal.

Actualment as piscinas han experimentato un cambio tecnolochico important, mas que mas en a depuración. S'emplegan derivatos d'o cloro ta mantener-las limpias, y se controla o suyo pH y en bellas ocasions encluso a temperatura.

Cudiato d'a piscina editar

Ta mantener limpia y en condicions normals una piscina, cal parar cuenta d'os parametros siguients:[3][4]

 
Antiga piscina romana en Bath
Parametros normals
Porcentache de cloro libre 1,5 - 2,0 mg/L (1,5 - 2,0 ppm) Se puet adhibir dreitament, u producir-se por meyo d'hidrolisi de sals.
Salinidat 4 g/L (4 kg/m³) De cabo cuan, puet haber menester d'adhibir sal.
pH 7,2 - 7,6 (ideal 7,2 - 7,4) Puet reducir-se por meyo de l'adición d'aceto, y augmentar-se por meyo de l'adición d'una base (pH +), asinas como lo bicarbonato de sodio, con a formula NaHCO3.
Alcalinidat total 8 - 15 °F (80 - 150 ppm) Una alcalinidat alta puet producir un nivel de pH inestable.
Dureza < 40 °F (<400 ppm) Ta reducir a dureza de l'augua, se realiza un proceso de descarbonatización, por meyo de l'adición de carbonato de sodio.

Referencias editar