1721

Escaicimientos

Atros países

• 18 de mayo - l'italián Michelangelo Conti u Michelangelo dei Conti ye esleito Papa d'a Ilesia Catolica con o nombre d'Inocencio XIII.
• 3 de chulio - o misionero noruego Hans Egede (1686-1758) plega ta l'ueste de Gronlandia, a on establió a misión protestant de Godthaab ta evanchelizar a o pueblo d'os inuit.
• 10 de setiembre - por o Tractau de Nystad (u Paz de Nystad) que remata a Gran Guerra d'o Norte, Suecia cede a l'Imperio Ruso as suyas provincias en o canto este d'a mar Baltica: Carelia, Ingria, Estonia, Livonia y Vyborg en a Finlandia meridional, recibindo en compensación 2 milions d'escudos. Antiparte, en Alemania Suecia cede Bremen-Verden y a Pomerania occidental.
• 22 d'octubre - o zar Pero I de Rusia proclama l'Imperio ruso, en proclamar-se emperador de todas as Rusias.

Naixencias

Atros países

• 3 de febrero - naixencia en Kalkar (en o ducau de Kleve, hue en Renania d'o Norte-Westfalia) d'o militar alemán Friedrich Wilhelm von Seydlitz (†1773).
• 6 de chulio - naixencia en Madrit de Joaquín Diego de Silva Fernández de Híjar y Portocarrero, duque d'Íxar (†1758).
• 14 d'octubre - naixencia en Soleura (cantón de Soleura, Suiza) d'o escritor y militar suizo a o servicio de Francia Pierre Victor de Besenval de Brünstatt (†1791).
• 29 d'aviento - naixencia en París de Jeanne-Antoinette Lenormant d'Etiolles, marquesa de Pompadour, conoixita como Madame de Pompadour, aimant d'o rei de Francia Loís XV.

Defuncions

Atros países

• 18 de chulio - muere en Nogent-sur-Marne o pintor francés Antoine Watteau (n.1684).