Aragonés meyorribagorzano
| Meyorribagorzano | |
|---|---|
 Situación d'o meyorribagorzano | |
| Localización cheografica | |
| Territorios | Ribagorza meya |
| Lugar(s) principal(s) | Murillo de Llena, Campo, Esplluga, Vall de Bardaixín, Vall de Lierp, Seira, Barbaruens y Abi |
| Sociolochía | |
| Vitalidat | Meya |
| Literatura | |
| Rasgos dialectals | Aragonés oriental |
O meyorribagorzano ye a parla local aragonesa ribagorzana que se charra en Ribagorza Meya, cerca de Turbón: Murillo de Llena, Campo, Esplluga, Vall de Bardaixín, Vall de Lierp, Seira, Barbaruens y Abi.
O congosto de Ventamillo li fa de muga con o benasqués. Entra en contacto con o catalán ribagorzano en a Val de Bacamorta y en a Ribera, val lateral de l'Isabana a o sud de Turbón. En A Ribera o catalán ribagorzano ye pareixiu a la parla de Sarradui, pero i veyemos influencia d'o meyorribagorzano de Campo y Murillo de Llena que creixe dende Villa Carlle ta Torlarribera y dimpués Las Vilas.
A variedat más representativa y conoixida ye o campés (Campo figura en l'ALEANR con as siglas Hu 207.[1] ). Tamién existen estudios monograficos de l'aragonés d'a Vall de Lierp, l'aragonés que plega mes ta l'este.
ReferenciasEditar
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
| Variedatz orientals de l'aragonés | ||
|---|---|---|
| Altorribagorzano (Benasqués) | Chistabín | Fovano | Meyorribagorzano (incluindo o campés) | Baixorribagorzano (incluindo o foncense, estadillano y grausino) | ||