Río Chiner

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chiner Ginel
Administración
Estaus
Territorios	Aragón
Cheografía
Longaria	n/d km
Altaria d'o naixedero	320 m
Naixedero	Manantial d'a Virchen de La Malena
Desembocadura	río Ebro
Hidrolochía
Superficie d'a cuenca	694,10 km²
Cabal meyano	n/d m³/s
Mapa
O Chiner en Aragón

O río Chiner ye un chiquet río d'a provincia de Zaragoza, que ye afluent d'o río Ebro por a suya marguin dreita. Naixe en o manantial d'a Virchen de La Malena en o parache d'a ermita de Santa María Malena, en Mediana d'Aragón.

Riega os termins municipals de Mediana d'Aragón y Fuents d'Ebro, desembocando en ista zaguera localidat.

A mayoría d'os campos de regano d'o Chiner son ferranyals d'alfalz.

Cheomorfolochía

O río Chiner desemboca en Fuents d'Ebro, habendo pasato antis por os lugars de Rodén y de Mediana. O suyo punto de deposito como afluent se pierde en a plana aluvial d'Ebro, pues as auguas d'o Chiner son presas por as ceicas y conduccions d'as zonas de regano de Fuents d'Ebro, poco dimpués de travesar o suyo casco urbán. Asinas, ye catalogada por a Confederación Hidrografica d'Ebro por iste feito como una intercuenca diseminada d'Ebro.

Restos arqueolochicos

En a ribera d'o Chiner bi ha un antigo asentamiento iberico, dito chacimiento de Los Castellazos, considerato como campo d'Urnas d'a primera Edat de Fierro, que seguntes os investigadors estió una d'as primeras zonas en desarrollar la agricultura d'o regano en a Val d'Ebro.

Vinclos externos

• (es) Intercuencas diseminadas del Ebro. Ríos Ginel y Lopín (C. H. E.)

• Datos: Q6115158
• Multimedia: Ginel River / Q6115158