Parque Natural d'a Sierra y as Foces de Guara
| Sierra y Foces de Guara | |
 Sierra de Guara | |
| Tipo | Parque Natural |
| Establiu | 1990 |
| Superficie | 47.450 ha |
| Situación |  Plana de Uesca, Semontano de Balbastro, Alto Galligo y Sobrarbe (Aragón)
|
| Latitut | |
| Lonchitut | |
 | |
O Parque Natural d'a Sierra y as Foces de Guara ye un parque natural d'a provincia de Uesca (Aragón) creyato en 1990. Tien 47.450 hectarias alto u baixo, antimás d'una zona de protección arredol con atras 33.775 hectarias. Ye trestallato administrativament entre os municipios d'Abiego, Adauesca, L'Aínsa-Sobrarbe, Alquezra, Arguis, Barcabo, Biarche, Boltanya, Candarenas, Casbas de Uesca, Colungo, Uesca, Loporzano, Nueno y Samianigo. L'altaria d'o parque va dende os 430 m en a ripera d'o río Alcanadre dica os 2.077 m d'o tozal de Guara.
A suya naturaleza ye de caracter karstico, con a-saber-los tozals, espelungas, simeras y foces. O clima ye un hibrido de l'atlantico y o mediterranio, por a su situación entre os Pireneus y a val d'Ebro. Isto marca as diferencias entre a vechetación d'o sud, mas xuta y mayorment carrascals, y a d'o norte, con especies caducifolias como os fabos. Bi ha cuatre ríos que trescruzan a sierra de Guara, creyando as caracteristicas foces y congostos: l'Alcanadre, o Flumen, o Guatizalema, o Vero y o Mascún. Gracias a la suya cheolochía, ye un puesto propicio ta a practica de barranquismo y escalada.
Bi ha pinturas rupestres que abarcan toz os periodos y estilos extendilladas por tot o parque entre as que cal destacar as pinturas d'o Paleolitico Superior en a Fuent d'o Truixo en o municipio de Colungo.
Fauna
editar_Bearded_Vulture.jpg)
O grupo mas important d'entre a fauna d'o parque ye o formau por as aus rupicolas como o trencauesos (Gypaetus barbatus), a voleta (Neophron percnopterus), o vueitre (Gyps fulvus), l'aguila reyal (Aquila chrysaetos), l'aguila perdiguera (Aquila fasciata), o falcón peregrín (Falco peregrinus), o bubón (Bubo bubo) y a gralla de pico royo (Pyrrhocorax pyrrhocorax). Entre as aves forestals destacan l'aguacero negro (Dryocopus martius), l'alica blanca (Circaetus gallicus), l'aguila chicota (Hieraaetus pennatus), o esparbero abellero (Pernis apivorus), a gallineta ciega grisa (Caprimulgus europaeus) y en as zonas mas alteras o rocacero (Prunella collaris) y a perdiz parda (Perdix perdix). Ye por ixo que o parque ye declarau zona d'especial protección pa las aus.
Entre os mamiferos que viven en o parque destacan o chabalín (Sus scrofa), o corzo (Capreolus capreolus) y a loira (Lutra lutra), asinas como chicoz depredadors como a fuina de papo blanco (Martes foina), a chineta (Genetta genetta) y o taixudo (Meles meles). Tamién bi ha una important población de bucardos (Capra pyrenaica).
En o grupo de reptils y anfibios son d'especial intrés a culebra de escalerons (Rhinechis scalaris), a gripia (Vipera aspis) y o guardafuents pirenenco (Calotriton asper). A truita (Salmo trutta) y o barbo culirroyo (Barbus haasi) habitan en os ríos d'o parque.
Cal destacar entre os invertebrados, cabe destacar a o cangrillo de río (Austropotamobius pallipes) y as mas de 137 especies de paixarelas diurnas (Ditrysia).
Flora
editar
A flora contrasta prou entre a suya versant norte y sud. A versant sud, con clima continental y un periodo arido de bels dos meses, ye d'aspecto parellano a la rechión mediterrania. Aquí destacan a carrasca (Quercus ilex subsp ballota), asinas como o romero (Salvia rosmarinus) con buixo (Buxus) y l'aliaga (Genista scorpius). En os vallons de suelos mas fredos se troba o caixico (Quercus faginea).
En as zonas protechidas d'os barrancos d'ista zona bi ha chicotas selvas de carrasca (Quercus ilex) y arbustos como l'albordera (Arbutus unedo), l'alitienzo (Phillyrea angustifolia), a batataina (Viburnum tinus), o lentisco (Pistacia lentiscus), a zarzaparrilla (Smilax aspera) y mesmo a cardonera (Ilex aquifolium). En as rocas y cantos d'os barrancos bi ha plantas a-saber-lo especializadas como o Petrocoptis guarensis, a Valeriana longiflora, a coda de borrega (Saxifraga longifolia), a orella d'onso (Ramonda myconi) u a biola d'augua (Pinguicula grandiflora).
En as solanas d'os fondons d'as vals se troban mas que mas caixicos (Quercus gr cerrioides), mientras que en as ubagas apareixen os pins (Pinus sylvestris) combinaus con selvas de buixo (Buxus), taixos (Taxus baccata) y cardonera (Ilex aquifolium). As solanas pedregosas son cubiertas por brinzón (Echinospartum horridum) y un poquet de buixo.
A versant norte tien un periodo de sequera menos en verano y por ixo se i troban formacions de tipo submediterranio u mesmo eurosiberiano como o caixico (Quercus gr cerrioides). Si puyamos se troban primero o pin royo (Pinus sylvestris) pa dimpués trobar chicotas selvas d'abez (Abies alba). Tamién i apareixen endemismos como a Aquilegia guarensis y a Cochlearia aragonensis, que nomás creixen en ista sierra, y pin negro (Pinus uncinata).
Atras figuras de protección
editarCoinciden en parti con o Molimento Natural atras feguras de protección:
Referencias
editar- ↑ (es) Zona ZEPA de Sierra y Cañones de Guara. www.naturaspain.com
Vinclos externos
editar
Datos: Q3107614
Multimedia: Sierra y Cañones de Guara Natural Park / Q3107614
