Bubo bubo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Bubo bubo
Un bobón u babueso (Bubo bubo).
Denominacions populars
bobón, babueso
Estato de conservación
Seguro (IUCN)
Clasificación scientifica
Reino:	Animalia
Filo:	Chordata
Clase:	Aves
Orden:	Strigiformes
Familia:	Strigidae
Chenero:	Bubo
Especie:	B. bubo
Descripción
Bubo bubo Linnaeus, 1758
Distribución cheografica
Distribución d'o bobón u babueso.

O bobón u babueso (Bubo bubo (Linnaeus, 1758)) ye una au d'a orden d'os Strigiformes y familia Strigidae que ye una d'as especies mas grans de Bubo y as fembras pueden creixer dica una longaria total de 75 cm , con una envergadura de 188 cm, estando os masclos una miqueta mas chicotz. Ista au tien flocos d'orellas distintivos, con partis superiors malladas con una color negruta mas fosca y lionada. As alas y a coda son baretiadas. As partis inferiors son d'una tonalidat variable, con rayas de colors mas foscas. Lo disco facial no ye muit visible y os uellos anaranchaus son distintivos.

Os bobons se troban en muitos habitats, pero en a suya mayoría son aus de rechions montanyosas u atras arias rocosas, a ormino amán d'o canto de selvas variadas y arias arbustivas con obreduras u paúls pa cazar a mayoría d'as suyas presas. Amás, habitan selvas de coniferas, estepas y atras arias en elevacions variadas que gosan estar relativament remotas. Os bobons se troban ocasionalment entre tierras de cautivo y en entornos semellants a parques adintro d'as ciudatz europeas, mesmo rarament adintro d'arias urbanas mas concorridas. Iste bobón ye un depredador sobretot nueiturno, que caza una variedat de diferents especies de presas. Predominantement, a suya dieta ye componida per chicotz mamifers como radedors y coniellos, pero tamién s'alimentan de mamifers mas grans y aus de quantos grandarias. Atras presas secundarias pueden incluyir reptils, amfibios, peixes, insectos grans y atros invertebraus variaus. A especie por un regular se reproduz en os zillos d'as cinglas, en clamors, entre penyas u en atros puestos amagaus. Lo niedo contiene tipicament una niedada de dos uegos, que se meten a entrevalos y eclosionan en diferents intes. A fembra coba os uegos y cría a las crietas, y lo masclo proporciona virolla pa ella y, quan naixen, tamién pa os pichons. Totz dos adultos proporcionan o cudiau parental contino d'os chovens mientres uns cinco meses.

Amás d'estar una d'as especies vivients mas grans de Bubo, o bobón ye tamién una d'as mas distribuyidas. Con un aria de distribución total en Europa y Asia d'uns 32 millons de km2 y una población total estimada entre 250.000 y 2,5 millons, l'IUCN enumera l'estau de conservación de l'au como de menor preocupación. A gran mayoría d'os bobons viven en Europa continental, Escandinavia, Rusia (que ye quasi con aseguranza an ocurre a mayor cantidat y diversidat de razas) y Asia central. Existen poblacions menors adicionals en Anatolia, o norte de Meyo Oriente, a parti superior montanyosa d'o sud d'Asia y en China; amás, s'estima que entre 12 y 40 parellas residían en o Reino Uniu a partir de 2016 (an posiblement no son nativas), un numero que puede estar en aumento. Os bobons domesticaus s'han emplegau ocasionalment en o control de plagas a resultas d'a suya grandaria pa disuadir a las aus grans como as gabiotas de fer niedo.

Vinclos externos

• Se veigan as imachens de Commons sobre Bubo bubo.