Eslavonia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Eslavonia (en croate: Slavonija) ye una rechión historica d'Europa Central y una d'as principals rechions naturals de l'actual Croacia. Ye una rechión fértil pa una agricultura desembolicada que tamién poseye amplas zonas forestals. Ye delimitada por o río Drava a lo norte (muga con Hongría), o río Sava a lo sud (muga con Bosnia) y o Danubio muga con a Voivodina. A mayoría d'os habitants d'Eslavonia son croatas, con minorías de serbios, hongaros, rutens y atros.

Eslavonia Slavonija
Rechión historica de Croacia
Bandera Escudo
Entidat  • Estau	Rechión historica Croacia
Capital	Osijek
Idioma oficial	Croata
Superficie  • Total	12 556 km²
Población  • Total (2011)  • Densidat	806.192 hab. 64 hab/km²
Chentilicio
Mapa de Croacia con Eslavonia remarcada

Mapa d'Eslavonia

Toponimia

O toponimo Eslavonia ye en relación con os suyos habitants eslaus, igual como atros de pareixius como Eslovenia, Eslovaquia y l'antiga Sclavinia que bi heba en Macedonya. En textos medievals en aragonés trobamos o toponimo Sclavonia, pero no siempre podemos saber si se refieren a tierras d'Eslovenia, d'Eslavonia, de Macedonya u a atras eslavonias.

Cuando la emperadriç Ereni romanió monarca, el ermano de su marido e algunos qui eran en presión fuyeron e entraron en la iglesia mayor. Mas uno de casa del emperador que.l dizían Areçio, el cual havía grant privadança en el palacio, tanto favló con ellos fictamientre que los fizo sallir de la esglesia prometiéndoles que no havrían ningún mal. Los cuales, como fueron sallidos, la emperadriç los ha jutgados ir en Atenas. E seyendo en Athenas algunos nobles pregaron al senyor de Esclavonia que prestás con favor e ayuda a un ermano del marido de la emperadriç por entrar a Contastinoble e por haver la senyoría. Mas sintió aquesto la emperadriç e fizo clavar los ojos a todos aquellos.

()

Deq(ue) los godos huuiero(n) stado e(n) scicia g(r)ant t(iem)po & fuero(n) multiplicados e(n) gra(n)t num(er)o de g(e)n(te)s dexaro(n) a guardar la p(ro)ui(n)cia de scicia & de dacia p(ar)tida de lures g(e)n(te)s segunt es dicho desuso. & todos los ot(r)os passaro(n) el dinubio & (con)quiriero(n) & destruyero(n) toda sclauonia & yllirico & toda g(r)ecia. & touiero(n) el sitio de lur senyorio e(n) macedo(n)ia & e(n) yllirico por spacio de diez anyos. Et u(n)a p(ar)tida d(e)los godos poblaro(n) e(n)las mo(n)tanyas q(ue) so(n) dichas oy dispotado de romania pri(n)cipado d(e)la morea la gra(n)t ciudat de sparta / & la ciudat de uat(r)ia /. & los habitadores de aq(ue)lla fuero(n) clamados spartos.

()

Esclavonia & de Pulla, & de la ylla de Corfou & de Chifolonia por grandes monedas que dio

().

Alla do Ytallia fina a la mar de Venecia, si es la tierra d'Estra de vltra part la mar, do yes larçobispado de Jadrio e atros dos arçebispados e xviiij º bispados. Apres esta yes la tierra de Sclauonja en do ha ij arçobispados e .viij. bispados. Apres es la tierra de Vngria, do ha dos arçobispados e .x. bispados. Apres esto es la tierra de los aspoliens do ha .iiij.º arcebispados con todos .viij.bispes Mas de aquesto no dira agora mas el conto, ante retornara a su materia alla do el lexo Sicilia a la fin de Ytalia.

().

Una mención mes segura la trobamos en a "Grant Cronica de Espanya" baixo o títol Dela limitacion & terminos de scicia. & dela poblacion de uenecia & qui la poblo, encara que podría referir-se a totas as antigas tierras eslavas de Panonia y no solament a Eslavonia:

Scicia es det(er)minada por los terminos q(ue) se sigue(n) p(r)im(er)ame(n)t la mar occeana septe(n)trio(n)al. & d(e)la p(ar)t de asia los mo(n)tes rifeos & el rio de thanay / qui dep(ar)te europa de asia / & la mar d(e)la tana. q(ue) a(n)tigam(en)t fue dicha la marmora o la mar de po(n)to / & el rio d(e)l dinubio. & d(e)la ot(r)a p(ar)t la gra(n)t ruxia. Las g(e)n(te)s q(ue) h(ab)itaua(n) prim(er)ame(n)t e(n) scicia fuero(n) los gepidos & los burgaros & ot(r)as diu(er)sas nationes de g(e)n(te)s d(e)los q(u)ales no es neçesario de faz(er) me(n)cio(n). Et ala q(ue) dize el arçeuispo do(n) rod(r)igo q(ue) scicia t(er)minaua co(n) uenecia d(e)la p(ar)t de orie(n)t no(n) puede seyer porq(ue) e(n)tre scicia & uenecia es el gra(n)t dinubio segu(n)t dicho es. & es el regno de ungria q(ue) a(n)tigam(en)t fue dicha esclauonia & la gra(n)t p(ro)uincia de yllirico la q(u)al era gra(n)t p(ar)tida e(n) sclauonia. Et q(u)ando los godos eran e(n) sicia uenecia no(n) era e(n)cara poblada. porq(ue) troya no fue destruyda de gra(n)des t(iem)pos q(u)ando los godos era(n) sicia la q(u)al uenecia ap(re)s d(e)la destructio(n) de troya poblo antenor alli e(n)la mar porq(ue) no se fiaua de star e(n) t(ie)rra por la traycio(n) q(ue) fizo al rey priamo & alos de t(r)oya. Et alo q(ue) dize el arçeuispe do(n) rodrigo q(ue) mesia era e(n) scicia el (con)(tr)ario es q(ue) a(n)tes es e(n) grescia ap(re)s de macedonia & de boecia & de sclauonia.

En a "Grant Cronica de Espanya" tamién parlan d'una Esclavonia danubiana, pero de l'atra marguin d'o Danubio ta on l'emperador bizantín Mauricio ninvió una campanya militar con a intención d'aturar a los eslaus:

la q(u)al cosa (con)tecio assi q(ue) como el ex(er)citu roma(n)o huuies passado el denubio & fues (con)strenydo por gra(n)t fambre & no(n) pudies au(er) p(ro)uisio(n) d(e)las guarnizo(n)es comunes / ni haun pudies au(er) suste(n)tacio(n) d(e)las imp(er)iales largicio(n)es / co(n)uino alos cauall(er)os co(n) grant periglo q(ue) ç(er)casse(n) deq(ue) uiuir d(e)la regio(n) d(e)los esclauos. finalm(en)t por aq(ue)lla & ot(r)as razones mouidos los cauall(er)os d(e)l ex(er)citu passaro(n) el danubio & retornaro(n) se d(e)la esclauonia. do la ora era el ex(er)citu. & q(u)ando fuero(n) a .vij. millas de (con)sta(n)ti(n)oble los cauall(er)os (con)u(er)tidos e(n) sedicio(n) (con)stituyero(n) emp(er)ador a huno clamado foca. & uestiero(n) le la purpura imperial. el imp(er)io d(e)l q(u)al el se(n)ado ap(ro)uo. ap(re)s mauricio lexado la honor imp(er)ial & mudado el habito una noche secretam(en)t fuyo co(n)la mull(e)r & co(n)los fijos a .ja. ysla. la q(u)al se dize q(ue) es c'(er)ca calçedonia.

Historia

Os eslaus que bi heba en Panonia estioron sozmesos a los avaros. O territorio d'os avaros quedó dividiu entre carolinchios y bulgaros, pero os eslaus iban ganando autonomía dica que arribó atra ondada de pueblos nomadas, os hongaros. Os hongaros a diferencia d'atros pueblos nomadas anteriors que creyoron un reino con modelos occidentals que iba a durar. Eslavonia quedó entre d'o Reino de Croacia y d'o Reino d'Hongría, que prebaban d'estendillar-se-ie. Con o tiempo os eslaus d'Eslavonia s'asimiloron a lo pueblo croata, con qui compartiban o luengache eslau serbocroata y relichión catolica.

Eslavonia en a Croacia independient

Cuan Croacia declaró a suya independencia en 1991 Eslavonia se convertió en un d'os principals escenarios d'a Guerra d'Independencia croata. O gubierno yugoslau, controlau por serbios, se resistiba a perder una d'as rechions mes productivas de Yugoslavia, y d'esta traza l'Exercito Federal Yugoslau intervinió en Eslavonia con a enchaquia de defender a la minoría serbia local. Os serbios locals s'heban rebelau chunto con os serbios de Krajina y se declaroron independients de Croacia en a entidat protoestatal "Republica Serbia de Krajina". A lo principio as fuerzas croatas no yeran en condicions de resistir a invasión serbia ni de controlar as comarcas a on s'heban rebelau as minorías serbias locals. As ciudaz eslavonas sufrioron bombardeyos y o medio rural sufriba os ataques d'os guerrillers serbios chetniks que practicaban a limpieza etnica de población no serbia. Vukovar cayó en mans serbias dimpués de quedar desfeito de tot dica o punto que os periodistas espanyols plegoron a posar-li El Belchite Croata ("O Belchit Croata"), pero poco dimpués l'exercito croata pasó a la ofensiva y recuperó territorios que os serbios locals no podeban defender en o Macizo de Papuk, producindo-se a fuyida d'os insurchents ta Bosnia.

En mayo de 1995 una part ocupada por os serbios en Eslavonia Occidental fue recuperada por Croacia en a Operación Flash. En l'anyo 1998 a part oriental se reintegró en Croacia pacificament.

Referencias

• Datos: Q681964
• Multimedia: Slavonia / Q681964