Escitia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Scitia (pronunciau /(e)s.'ci.tja/ u /'si.tja/, en griego: Σκυθία) yera, en l'Antigüidat Clasica, a rechión euroasiatica habitada por os pueblos escitas dende o sieglo VIII aC dica o sieglo II dC.

Extensión aproximada d'Scitia y d'as luengas iranianas d'a branca escita (narancha) en o sieglo I.

A suya extensión cambió con o tiempo, pero por un regular comprendeba as planadas d'a Estepa pontica dende o Danubio dica as costas septentrionals d'a Mar Negra, como se vei en o mapa.

As rechions conoixidas como Scitia en os autors clasicos incluyen:

• A Estepa pontica: Cazaquistán, sud de Rusia y Ucraína (habitadas por escitas dende o sieglo VIII aC por o menos)
• A rechión a lo norte d'o Caucas, incluyida Azerbaichán. A posterior Sarmacia, Ucraína, Belarrusia y Polonia dica a mar Baltica (conoixida como Ociano Sarmatico).
• A zona d'o sud d'Ucraina y o baixo Danubio, tamién dita Scitia Menor.

Mencions en fuents aragonesas

A grafía medieval teneba tendencia a no representar a e debant de s como en "ciencia" y esto desorientaba a los escribans, menos familiarizaus con o toponimo, de traza que "Scitia" podeba trobar-se escrito de muitas trazas en un mesmo libro (Siria, Stica, Scite, Scita, Dite, etc...). Libros a on bi n'ha referencias son o "Libro d'as Marabillas d'o Mundo" y o "Libro d'el Trasoro". Manimenos estas formas tamién podrían fer referencia a Licia, una rechión d'Asia la Chica:

Agora auez oydo como el conto departe breument los regions de la tierra, e como ella es circundada de grant mar que es clamada Oçceana, ya sia esto que este nonbre cambian e mudan en muytos logares, segunt en nonbre de la tierra do ella bate...a la tierra de Arabia es clamada mar de Arabia, e depues la mar de Persia, e depues la mar de Yritanya et de Caspia, e depues la mar de Scita e de Alamanya, e depues la mar de Athenas, e de Libia e de Egipto.

El regno de las fembras començo la ora que rey de Scite con todos los omnes de su tierra fue sobre los egipcianos, en do ellos fueron muertos todos: e quando las fembras oyeron esto, ellas fizieron vna duenna de su gent regna de su tierra, e establescieron que jamas njngun omne no pudies habitar en su tierra.

Ultra esti logar a la entrada de orient es la tierra de Siria, dejus el mont o montanyas de Rifar, e por uerdat esto yes do la au grifio naçe. Mas es trobado por los saujos que la tierra de Stica es en Asia, segunt el conto departe aqui deuant, ya sia esto que las islas de Stica que son daqua el Danaun son .lxx. passos luente del golfo de Tarsia do es la mar congelada, e por esta razon la claman la mar Muerta. Apres esta Alamanya, que comjença a las montannas de Saona deues el Danaun, e dura entro au Rin.

Alla es la tierra de Dite, en do el monte de Samaria, que de nueyt fa grant fumo; et la tierra de Asia la chica, en do yes Efesio e Troya.

En a "Cronica de los Conquiridors" si que podemos veyer bien escrito Scithia u Scitia en a part d'a obra on parlan d'Atila y os alanos:

En tiempo del emperador Theodosio menor fillo de Arcadio el qual començo a imperar apres dela muert de Honorio, tio suyo, el anyo de nuestro Senyor CCCCXXV, la gent delos Vnos, pueblo muyt cruel, sallio delas lontanas partidas de Scithia con lur rey Subataro, et conuinieron sobre aquellos Burgunyones destruyendo et matando aquellos sin ninguna misericordia et derrobando todas lures cosas.

El rey Atilla, retornado de Ytalia, fue en Panonia, et aplegado grant exercitu, aparello batalla contra los Alanos dius la senyoria de Theodomir, rey delos Ystregodos, fillo del rey Criario, hermano de Valamer, el qual Theodorico, hermano de aquellos, et Theodomir auien exido de Scitia, et auien occupadas las prouincias delos Alanos. Pues el dicho Teodomir rey, aplegado grant exercitu de Godos et de Alanos et las ayudas delos Scitas, en uenganca de la muert de su hermano Theodorico, al qual auie muerto el rey Atilla, leuanto se contra los Hunnos et lur rey Atilla, segunt escriue Iordan ystorial : et fueron fechas entre dos huestes muchas grieues batallas, enlas quales alas vegadas era vencedor Atilla et alas vegadas vencido. Et finalment fue fecha la çaguera batalla en los campos cathalanicos, en do primerament Ecio patricio auie sobrado et vencido a Atilla.