Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dalmacia ye una rechión historica d'a costa oriental d'a Mar Adriana, que prene nombre de l'antiga provincia romana de Dalmacia y que va dende a isla de Rab a lo norueste dica a Bahía de Kotor, que yo o suyo cabo sureste. L'interior de Dalmacia, dito Zagora tien d'amplaria 50 km en o norte y uns pocos kilometros en o sud. Dimpués de muitos cambios historicos de mugas o territorio de Dalmacia perteneixe actualment en a mas gran part a Croacia, de fueras de Neum y d'a Bahía de Kotor, que perteneixen a Bosnia-Herzegovina y Montenegro respectivament.

Dalmacia
Dalmacija
Rechión historica de Croacia
Escudo de  Dalmacia
Bandera Escudo
Entidat
 • Estau
Rechión historica
Croacia
Capital Split
Idioma oficial
 • Luenga propia
Croata
Dalmata
Superficie
 • Total

12 158.0 km²
Población
 • Total (2011)

852 068 hab.
Chentilicio Dalmata[1]

Mapa de Dalmacia en relación a Croacia, no bi figura ni Neum ni a Bahía de Kotor

Toponimia editar

O toponimo clasico Dalmatia que prenió o latín persiste en as luengas romances en formas como Dalmacia.

En a "Cronica de los Conquiridors" nombran Dalmacia en o capítol CXCVII en relación a una campanya contra os avaros:

Et de alli passando auant el Rey karles domo por armas la cruel gent delos volcos qui estauan sobre la Riba del mar occeano la cual gent era muyt co(n)traria alos francos Et apres domo por armas en sus p(ro)p(r)ias partidas todas las fieras barbaras naciones que son entre el Rio que ha no(m)bre el Ri et sal(er)a et entre el danubio et el mar occeano et fizo las tributarias dius si entre las q(u)ales los g(u)alletabos los sorabes los abaductes et boemios las cuales gentes subiugadas el Rey karles sen torno en gallia et p(r)iso co(n) si s(us) fillos karles pipino et loys et con todo el exercitu delos francos et delos germanos passo en bauera passo el danubio et dio la meytat del ex(er)citu a los fillos et Retuuo la otra meytat pora si con los cuales corrio sobre los hu(nc)nos et destruyo los malame(n)t et despoblo lures Regiones et conq(u)irio pannonia ystria liburnia et dalmacia.

En a versión aragonesa d'o "Libro d'el Trasoro" nombran Dalmacia pero se trabucan con Almizra:

Apres es la marca de Treujsa, que es en el patriarchado de Agujla, en do ha .xviij. ujspados, que tocan la partida de Alamanya e de Gare e de Almjça sus la mar. Encara es en Ytalia el arcebispado de Genea con .iij. vispes. E despues es la isla de Santdigno e Corsiga do ha .iij. arçobispados e .xv. ujspados.

O chentilicio d'os habitants de dalmacia ye "dalmata", d'orichen clasico, y "dalmata" tamién ye a denominación d'un grupo etnico de luenga neolatina y catolico absorbiu de tot por os croatas u os italianos.

Atro adchectivo antigo relacionau con dalmacia ye DALMATICA, que orichinó a denominación (d)almatica u (d)almatiga pa referir-se en aragonés medieval a una tunica con mangas amplas y curtas adornada con porpra.

Referencias editar


Rechions historicas de Croacia  
  Croacia Central |   Dalmacia |   Eslavonia |   Istria