Guerra d'independencia croata

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Guerra d'a Independencia croata
Guerras yugoslavas

Soldaus croatas paraus ta destruir un tanque serbio en 1992
Información cheneral
Calendata: 1991-1995
Puesto: Croacia
Resultau: Victoria y independencia de Croacia
En conflicto
Fuerzas armadas croatas
HOS (paramilitars)
Republica Serbia de Krajina
Yugoslavia
Paramilitars serbios
Comandants
Franjo Tuđman Slobodan Milošević

A guerra d'independencia croata estió una guerra yugoslava de secesión que se produció en Croacia dende 1991 dica 1995 en a que os serbios de Croacia y l'exercito federal yugoslau luitaban contra o gubierno croata y la población de nacionalidat etnica croata.

O bando croata aspiraba creyar un estau croata independient, y os serbios de Croacia pretendeban que os territorios croatas con población serbia, mayoritaria u no seguisen dependendo de Yugoslavia, que s'anexionarían estos territorios chunto con ciudaz d'a costa hadriana que darían a Serbia una salida a la Mar Hadriana. A guerra sorprendió por a suya brutalidat en a Europa d'os anyos 90, pero estió una guerra de conquiesta que aproveitaba a presencia de minorías en o país vecín d'alcuerdo con a tradición balcanica, y de feito repetiba o modelo d'a segunda Guerra Mundial en Yugoslavia y d'as guerras balcanicas en a Macedonya d'os anyos 1910.

Fase inicial d'a guerra editar

O 25 de chunio de 1991 Croacia y Eslovenia proclaman a suya independencia. Os serbios de Croacia proclamoron a independencia d'a rechión de Krajina centrada en Knin, que esdendría a Republica Serbia de Krajina. O gubierno federal yugoslau refirmó a los serbios de Croacia con a presencia de l'exercito federal[1], que preba de mantener o control de Croacia y dixa que os guerrillers serbios faigan crimens de guerra con total impunidat primero contra os croatas que yeran en minoría en as localidaz de mayoría serbia y dimpués contra os croatas de localidaz que no yeran de mayoría serbia y que igual conqueriban. Krajina a escape cayó en poder serbio sin guaire dificultat ni accions militars violentas.[2]

S'organizó un grupo paramilitar conoixiu como Hrvatske obrambene snage ("fuerzas de defensa croatas") u HOS, que nunca no tenió tanta importancia numerica u militar como os paramilitars serbios. No podioron escapar guaire a lo control gobernamental fuoron absorbius por l'exercito croata dende a movilización cheneral de noviembre de 1991. Os HOS participoron en batallas menors como Bitka za vojarne u Batalla d'os Cuartels.

Os principals combates se desembolicaban en Eslavonia oriental, de mayoría croata, pero que os medios de comunicación serbios (y d'Estaus con actitut pro-serbia como Espanya que veyeban a independencia de Croacia como incomoda), presentaban como de mayoría serbia. En Eslavonia oriental

Dimpués d'Eslavonia a guerra s'estendilló dende Krajina dica Dalmacia (puent de Maslenica), y as ciudaz costeras como Šibenik, Chadra, Split, atacadas por a marina yugoslava. Ragusa fue atacada por voluntarios serbios dende Herzegovina oriental y por montenegrins dende Montenegro[3], que ocuporon tot Konavle y internoron a toda la población croata que podioron fer prisionera en centros de detención.

En Vukovar os combatients croatas yeran amplament superaus en numero por os combatients serbios, tanto fuerzas regulars como en fuerzas paramilitars. Os pocos miembros de HOS baixo o mandato de Robert Šilić luitaban contra tres grupos paramilitars serbios muito mes numerosos.

Vukovar resistió pero en zaguerías fue destruito por l'exercito yugoslau, estando escenario de crimens por os dos costaus que han quedau sin guaire castigo por o que fa a los responsables serbios. En os territorios que os serbios conquieren bi ha mortaleras de población croata y por miedo muitos d'ellos fuyen antes que plegasen os serbios, feito que cuan a guerra s'estendille por Bosnia y o Kosovo será conoixiu como "limpieza etnica" y que cuan encomenzaba en Croacia no conseguiba mover d'igual traza as sensibilidaz de bel país occidental que yera contra a desintegración de Yugoslavia.

O 23 d'aviento de 1991 Alemanya reconoix a independencia de Croacia, feito que obliga a fer-lo o 15 de chinero a toz os países d'a CEE, dica estaus reticents como Espanya, que chugaba un papel anti-croata y pro-serbio. En abril de 1992 os cascos azuls d'a ONU encomienzan a prener posicions en as zonas ocupadas por os serbios. En mayo de 1992 Croacia ye admesa en a ONU. A seu d'o mando d'os cascos azuls ye prevista que siga en Sarajevo, pero cuan s'aturan os combates en Croacia esclata a guerra en Bosnia-Herzegovina. Dende as suyas posicions en Bosnia-Herzegovina os serbios tamién atacaban ciudaz de Croacia como Slavonski Brod y Ragusa. L'exercito croata intervinió contra los serbios en o sud de Herzegovina oriental en octubre de 1992 (Operación Konavle), pa evitar que continasen atacando Ragusa y pa recuperar a comarca de Konavle, territorio situau entre Ragusa y Montenegro.

En a guerra de Bosnia-Herzegovina musulmans bosnios heban confiau en a comunidat internacional y os croatas locals s'heban preparau pa a guerra. Os guerrillers serbios y l'exercito troban menos resistencia y tamién fan mortaleras en as zonas baixo o suyo control, pero o refirme d'Estaus Unius a la causa bosnia musulmana fa que ya toz os países occidentals ya no refimen a causa serbia, (que encara tendrá a Rusia como aliada), y que a opinión publica tienga en cuenta agora os crimens de guerra serbios, as violacions masivas, ecetra....Una millor preparación pa una guerra que se veyeba inminent y l'aduya de Croacia y a suya experiencia militar permitió a los croatas de Bosnia y Herzegovina resistir millor os ataques serbios que a población musulmana, manimenos tamién i habió muitas baixas y se perdioron ciudaz como Bosanski Brod en Posavina. Os croatas plegoron a prener o control d'Herzegovina occidental y d'amplas zonas de Bosnia central, dica en localidaz de mayoría musulmana como Kiseljak.

Operacions militars en 1993 editar

 
Mapa d'a Operation Flash
 
Mapa d'a Operation Storm

I habió conflictos armaus intermitents en 1993 a una escala menor que en 1991 y 1992 que fuoron mes exitosos p'as fuerzas croatas. Os croatas podioron recuperar territorio y protecher as ciudaz de Chadra y Gospić d'ataques serbios, pero entre l'alto o fuego de 1992 y as ofensivas croatas de 1992 a luita yera limitada y as accions militar se reducioron a dos semanas en ixas tres anyadas y meya.[4]

A primers de 1993 as operacions mes notables estioron:

Mientres a mayoría d'estas operacions yeran exitos relativos pa o gubierno croata, o exito d'a Operacion bolsa de Medak en 1993 causó reaccions fueras de paises y organizacions que teneban actituz anti-croatas y pro-serbias en a guerra, esto fació que l'exercito Croata no fese garra ofensiva en una anyada. En chunio de 1993 os serbios d'a Republica Serbia de Krajina reafirman en un referendum o suyo deseyo d'unión con os atros serbios d'os Balcans.

En Bosnia os croatas dixan d'estar aliaus d'os musulmans en 1993 y encomienzan unos combates en os que a población musulmana, mes numerosa, va prenendo o control de muitas ciudaz de Bosnia central (Travnik, Vares), y tamién de Herzegovina central, (Jablanica, Mostar oriental), y encara que enantes os croatas heban aduyau a salvar-se d'os serbios a muitos musulmans, que podioron trobar refuchio en ciudaz como Mostar, a opinión publica internacional yera de part d'os musulmans y en contra d'os croatas. Os países occidentals presionaban pa que os musulmans y croatas formasen una federación croata-musulmana, pero os combates yeran dificils d'aturar.

Final d'a guerra editar

En 1995 os croatas van ocupando os territorios y enclaus on a posición serbia ye menos fácil de defender: primero en mayo a Eslavonia occidental (Operazión Flash), y dimpués en agosto de 1995 Krajina (Operacija Oluja u Operación Tronada). Por miedo a represalias os serbios fuyen en masa de totas estas rechions. A recuperación de Krajina permite liberar d'a presión militar a los musulmans de Bihać, y os serbios encomienzan a retacular en Bosnia occidental. Os croatas de Bosnia recuperan Jajce, perdiu cuan os musulmans y croatas combatiban por Travnik. O 21 de noviembre de 1995 Estaus Unius fuerza a un alcuerdo de paz en Dayton, os croatas de Bosnia son obligaus a fer parte d'una Federación Croata-Musulmana dentro de Bosnia-Herzegovina, amés han de ceder as zagueras localidaz que controlaban de Posavina a la republica serbobosnia de Bosnia-Herzegovina.

Referencias editar

  1. (fr) Dennis P. Hupchick, Harold E. Cox: Les Balkans. Atlas historique. Ed Economica, 2008. p 110.
  2. (es) Josep Palau El Espejismo yugoslau. Ediciones del Bronce, 1996.
  3. (hr) Dubrovački Muzeji: Dubrovnik u Domovinskom ratu 1991-1995, 2013
  4. (Croatian) War in Croatia 1991-95, Part II.

Bibliografía editar