Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una estanca ye una extensión d'augua artificial a on s'almagazena augua que s'ha feito derivar fuera de lo curso d'un río[1] con una canal u cequia pa regar campos de cautivo. Son tipicas de la Depresión d'Ebro.

Estanca de Borcha con la Casa de la Estanca, de lo sieglo XVI.
Anvista de Motorland, con la Estanca d'Alcanyiz dezaga de tot y a la dreita.

Lo concepto d'estanca puet solapar-se con lo de basa,[2] pero en bel caso como en la Estanca d'Alcanyiz tienen midas y aspecto de laguna natural y tienen valura como habitat d'especies protechidas. Las estancas con aspecto de lagunas pueden estar lo resultau d'entibar augua de canals u cequias en fondonadas naturals u antigas saladas.

Son eixemplos d'estanca:

Etimolochía editar

Joan Coromines i Vigneaux fa remontar a parola Estanca a un celtico *TANKO ("fixar", "suchetar"), pero bi ha atras interpretacions. Esta parola ya se troba present en aragonés medieval:

La estancha de don Matheu...[3] (en un texto de lo Monesterio de Veruela relacionau con Trasmoz).

Y tamién en castellano d'Aragón de lo Sieglo XVI:

...los dichos jurados una vez en cada un año reconoscan...la estanca vaxa y las motas de aquella...(en un texto de Taust de 1544).
...la otra metad para los reparos de la estanca.[3] (en un texto d'Alcanyiz de 1595).

Se veiga tamién editar

Referencias editar

  1. (es) Carlos Blázquez y Tomás Sancho: Obras hidráulicas en Aragón. CAI, 1999.
  2. (an) Francho Nagore et al. Endize de bocables de l'aragonés. Instituto de Estudios Altoaragoneses, Uesca 1999.
  3. 3,0 3,1 (es) Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p 96.

Bibliografía editar