Entibo de Baserca

O entibo de Baserca u entibo de Senet se troba en o río Noguera Ribagorzana, a pocos kilometros a o sud d'o túnel de Vielha. A entibadera y o entibo se troban dividius entre os termins municipals de Montanui (d'antis mas Bono), en a comarca de Ribagorza, a o norte d'a provincia de Uesca, en Aragón, y Vidallé, en a comarca de l'Alta Ribagorza, a o norte d'a provincia de Leida, en Catalunya, muit amán d'a Val d'Arán.

Entibo de Baserca
Pantà de Baserca.jpg
Entibo de Baserca
Administración
País Flag of Aragon.svg Aragón
Flag of Catalonia.svg Catalunya
Estau {{{estau}}}
Provincia {{{provincia}}}
Comarca Ribagorza
Alta Ribagorza
Municipio {{{municipio}}}
Cheografía
Tipo
Orichen {{{orichen}}}
Superficie km²
Superficie {{{superficieha}}} ha
Altaria m
Longaria 2 km
Amplaria {{{amplaria}}} km
Fondura 69,5 m
Volumen 22 hm³
Hidrografía
Fuent Noguera Ribagorzana
Desagüe Noguera Ribagorzana
Desagües {{{desagües}}}
Mapa
Entibo de Baserca ubicada en Aragón
Entibo de Baserca
Entibo de Baserca
Situación en Aragón

O entibo, orientau de norte a sud, tien dos kilometros de largaria maxima y una capacidat total de 22 hm3, encara que a meyana d'os zaguers anyos ye de 18 hm3. Tien una fondura maxima de 69,5 m y suya fondura meyana ye de 23,8 m.[1]

A temperatura de l'augua oscila entre os 4,9 °C y os 16 °C. O pH de l'augua tien una meya de 7,76 y a transparencia de l'augua ye alta, dica os 10 m.[2]

A compleganza d'o entibo se troba en a zona axial pirenenca, sobre o gran batolito granodioritico d'a Maladeta.

A precipitación meyana en a zona d'o entibo ye de 1350 mm anyals.

UsosEditar

A finalidat prencipal d'o entibo de Senet ye a hidroelectrica. Con ista fin, as suyas auguas pueden derivar-se a la central de Moralets u a o entibo de Llauset, a 2200 m d'altaria, a traviés d'un canal reversible. Amás, bi ha una chicota central hidroelectrica a os piet d'a entibadera, a central de Baserca.

D'atra man, o entibo, rodiau de cimas que superan os 3000 metros, entre ellas a tuca de Mulleres y os Besiberri, sirve como regulador d'as auguas d'o río Noguera Ribagorzana amán d'a suya cabecera y d'atras barranqueras, entre as que destaca o río Ixalenques.[2] O cabal d'istos cauces varía en gran mida mientres o deschelo primaveral.

A pesca se centra exclusivament en a truita.[3] O entibo, situau a 153 km d'a ciudat de Leida, ye muit amán d'a carretera N-230, que transcurre entre Leida y Vielha, y se i accede por ixe canto, a la ezquierda d'o entibo, que perteneixe a Uesca. A parti dreita —a ezquierda d'o río— ye muit escarpada y ye dificil acceder a l'agua, encara que bi ha una pista que discurre por dencima d'a foz. Mientres a zaguera fase de l'hibierno, o libel de l'augua puet baixar a menos d'un 20% d'a suya capacidat total.

Saltos de MoraletsEditar

O complejo hidroelectrico d'o que fa parti o entibo de Baserca incluye o entibo de Llauset, situau a 2.200 m, baixo a tuca de Vallhibierna (3.062 m), a l'ueste d'a entibadera.

A unión d'istos dos entibos permite a regulación d'os cabals que alimentan os saltos hidroelectricos de Senet, Bono, Vidallé y Pont de Suert.

Amás, ta aproveitar l'augua de Baserca y Llauset s'han construyiu dos centrals subterranias: Moralets y Baserca. Encara que a de Baserca fue zarrada en l'anyo 2018.

A central de Moralets, de 200 MW, situada por dencima d'o entibo, a 1.519 m, fa servir o deslibel que bi ha entre os dos entibos (quasi 800 m) ta producir enerchía en as horas punta y tornar l'augua a Llauset en horas de baixa demanda. A central de Baserca, situada baixo o entibo, a 1.361 m, teneba 6 MW de potencia y emplegaba o deslibel d'a entibadera.

ReferenciasEditar

Vinclos externosEditar

BibliografíaEditar

  • Antonio Palau Ybars, El Embalse de Baserca (Pirineos centrales, Lérida), Universidad de Barcelona, 1990