Districto

Un districto ye una división administrativa d'un país. En cada estato tienen diferents extensions y atribucions. O termin ye d'orichen medieval, a on que os districtos se creyoron ta meter orden en l'administración chermanica.

Districtos medievals en AragónEditar

En aragonés medieval a parola districto se feba servir poco y un d'os suyos sentius yera o territorio de churisdicción d'una institución u autoridat, como podemos leyer en bell texto:

...de las ditas seu, ciudat & districto de Jacca por nos & el dito capitol et et los successores nuestros...[1]
que la dita sentencia pueda ser executada por qualquier juez de la dicta hermandat a saber es por cada uno dentro el districto de su juridicion
que lieuen e aqompanyen algún preso a algún lugar del districto de la dita hermandat
alguno de los officiales de la present hermandat o conselleros, en personas o en bienes, sea dentro del territorio o districto[2]

Manimenos yera un termin relativament poco conoixiu, y en as traduccions medievals no traducen bien o concepto dende luengas estrancheras como o francés u l'italiano. Por eixemplo en o "Libro de los Emperadors" traducen o italiano Distretto dell'Armenia por Estreito de Armenia.[3]

En un texto de 1371 relativo a las guerras con Corona de Castiella y la ocupación de localidatz en a muga ye posible veyer una forma patrimonial destreyto en linia con o catalán destret y o francés detroit:

e destreyto circunvecinos de los castiellos de Mesa e de Fuent de Salç, que paguen la provisión a vos

Districtos actuals en AragónEditar

En Aragón actualment os districtos son divisions d'as grans ciudatz. L'eixemplo mes esclatero ye Zaragoza, que ye dividita administrativament en dotze districtos, que se subdividen en barrios:

ReferenciasEditar

  1. (es) Manuel Alvar Ezquerra: Documentos de Jaca (1362-1502) estudio lingüístico. Archivo de filología aragonesa, ISSN 0210-5624, Vol. 10-11, 1958-1959 , pachinas. 195-276
  2. (es) Antonio Castellano Gutiérrez: La Hermandad navarro-aragonesa en la frontera pirenaica según sus ordenanzas. Segunda mitad del siglo XV. Príncipe de Viana, ISSN 0032-8472, anyo nº 56, Nº 204, 1995, pachinas. 121-162
  3. (es) Adelino Álvarez Rodríguez. Libro de los Emperadores (Versión aragonesa del compendio de historia universal patrocinada por Juan Fernández de Heredia). Edición de Adelino Álvarez Rodríguez. Larumbre Clásicos aragoneses.[1]