Abrir menú principal

A Venda de l'Olivar (en castellán Venta del Olivar) ye un barrio rural situato a l'ueste de Zaragoza (Districto rural).

Venda de l'Olivar
Venta del Olivar
Barrio rural de Zaragoza
Restaurante El Cachirulo Zaragoza.jpg
Restaurant El Cachirulo
Entidat
 • País
 • Ciudat
Barrio rural
Flag of Aragon.svg Aragón
Bandera de Zaragoza.svg Zaragoza
Superficie
 • Total
Posición 11
9,23 km²
Población
 • Total
Posición 10
971[1] hab. (2018)
Codigo postal 50071
Nº distrito 10
Zaragoza Mapa Junta Venta del Olivar.svg

Encluye as urbanizacions de Sant Lamberto, El Alcorce, El Cerezal, Maitena, Torre Barajas y Valles Verdes.

DescripciónEditar

A suya actividad tradicional estió l'agricultura. En as zagueras decadas se creyoron quantos poligonos industrials arredol d'a carretera de Logronyo.

En l'actualidat, a suya actividad economica ye muit variada: d'una man a o largo d'a Carretera de Logronyo bi ha quantos poligonos industrials. D'atra, estendillaus por o barrio bi ha tabiernas y restaurants, colechios y una farmacia. Antimás, una chicota parti d'a suya población contina treballando en l'actividat agricola.

A suya población se distribuye entre as debantditas urbanizacions, un centro urbán y torres. En ista zona se diz "torre" a las parcelas que se composan de terrenos de cautivo de superficie variable y d'una casa y posiblement bells almadazens, que son centro de l'actividat agricola d'os terrenos de cautivo que fan parti d'a finca.

Actualment, seguntes o Plan Cheneral d'Ordenación Urbana de Zaragoza, a mayor parti d'o terreno de Venda de l'Olivar ye clasificau como "No Urbanizable Especial, de Regano Alto".

As fiestas Patronals de Venda de l'Olivar son o 15 d'agosto en honor a la Virchen de l'Asunción. A parroquia d'o barrio ye adedicada a Nuestra Sinyora de Loreto.

Poligonos industrialsEditar

En o barrio se troban os siguients poligonos industrials:

  • Polígono El Portazgo.
  • Parque Empresarial Quattro (Antigua Asociación Cima) en a carretera N-232, km. 3,3.
  • Parque Empresarial Montemolín en a carretera N-232, km. 3,4.
  • Parque Empresarial Europa I en a carretera N-232, km. 3,7.
  • Parque Empresarial Vista Bella en a carretera N-232, km. 4.
  • Parque Empresarial San Valero en a carretera N-232, km. 4,8.
  • Parque Empresarial El Olivar.

ReferenciasEditar