Torreciella de Val Madriz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Torreciella de Val Madriz. Ta altros emplegos d'o toponimo torreciella se veiga Torreciella (desambigación).

Torreciella de Val Madriz (en castellano Torrecilla de Valmadrid) ye un barrio rural de Zaragoza situato en o districto de Torrero-A Paz, en a parti sud d'o municipio a mán d'os municipios de Cuart y Val Madriz.

Torreciella de Val Madriz Torrecilla de Valmadrid
Barrio rural de Zaragoza
Castiello de Torreciella de Val Madriz
Entidat  • País  • Ciudat	Barrio rural Aragón Zaragoza
Superficie  • Total	Pos. 6 20,15 km²
Población  • Total (2018)	Pos. 14 24 hab.
Codigo postal	50139
Nº distrito	2
Altaria	348
Distancia	22 km ta Zaragoza 9 km ta Val Madriz

Historia

Lo establioron en 1217, dimpués d'a conquiesta de Zaragoza. Yera un municipio independient dica 1965, cuan s'adhibió a lo municipio de Zaragoza.

Toponimia

Mencionato como La Torreciella en bel texto medieval como o Libro del Reparo del General de 1489-1491, pero en o fogache de 1495 s'escribiba ya castellanizato como La Torrecilla. O suyo apelativo actual fa referencia a estar a man de Val Madriz.

En l'antigo termin de Torreciella bi ha antigos toponimos en aragonés como Pui Aguila, que en a Documentación medieval de la Corte del Justicia de Ganaderos de Zaragoza figura como Pueyo del Aguila:

El primer mullón al Burgo, travesando el Plano de Fuentes e va a la loma de [supra: entre] Val de Palazín, la Val Podrida adelant; de aquí al Pueyo del Águila e puya la loma a suso de aquí en vista del camino de Mediana et de allí abant al...

Curiosidaz

La zona d'o Barranco de Torrijos, entre Val Madriz y Torreciella de Val Madriz yera a on o bestiar transhumant d'a Val de Vio pasaba l'hibierno. Eugenio Monesma filmó o viache con o bestiar seguindo a ruta transhumant dende o Barranco de Torrijos dica a Val de Vio en a suya serie documental sobre oficios tradicionals.

Puestos d'intrés

• Restas d'o castiello.
• Ilesia de l'Asumpción.
• Ermita de Sant Marcos.
• Antigas esclusas d'o Canal Imperial d'Aragón, 1786 -1792.

Espacios naturals

• Barranco de La Val.

Figuras de protección

• ZEPA Río Uerba y Las Planas.
• PIC Planas y estepas d'a marguin dreita de l'Ebro.