Casco historico (Zaragoza)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Casco historico, tamién dito Casco antigo u Casco viello (en castellano Casco histórico, Casco antiguo o Casco viejo) ye un districto de Zaragoza (Aragón). Muga con os districtos de L'Almozara, Delicias, Centro y Las Fuents.

Casco historico Casco histórico
Districto urbán de Zaragoza
Vista aeria
Entidat  • País  • Ciudat	Districto urbán Aragón Zaragoza
Subdivisions	Sant Pavlo, La Madalena, Sant Miguel, As Tenerías, Sant Agostín, El Tubo
Superficie  • Total	Pos. 14 de 15 1,98 km²
Población  • Total (2018)	Pos. 7 de 15 45.681 hab.
Codigo postal	50.001, 50.003, 50.004
Nº districto	3

Ye a zona mas molimental d'a ciudat encluyindo toda a parti d'a ciudat que encletaban as murallas romanas construitas en o sieglo III y que formaba a totalidat d'a ciudat de Zaragoza dica o sieglo XIII. Ye o segundo casco historico mas gran d'Espanya. As carreras principals son Espoz y Mina, Don Chaime I, l'Avenita de César Augusto y o Coso.

En iste districto se troban muitos d'os principals molimentos d'a ciudat como a Seu d'o Salvador, a Basilica d'o Pilar, as murallas romanas, o teatro romano, o puerto romano, as tiermas romanas y o foro romano.

Mugas

Plan d'o districto

Seguntes os plans censals d'o Concello de Zaragoza as mugas d'o districto son:

• A o norte, con río Ebro entre os puents de l'Almozara y a Unión.
• A l'este, con o districto de Las Fuents y Sant Chusé muga con o Camín d'as Torres.
• A o sud, con o districto Centro mugan as carreras Miguel Servet, Plaza San Miguel, Espartero, Coso, Plaza Espanya, Avenita de César Augusto y Paseyo María Agustín.
• A l'ueste, con os districtos de Delicias y Almozara muga o Paseyo María Agustín.

Arco d'o Deán