Chadra (Zadar en crovate, Zadra en dalmata, Zara en italián) ye una ciudat crovata d'a costa d'a Mar Hadriana.

Chadra
Zadar
Localidat de Croacia
Bandera Escudo d'armas
centro d'a ciudat viella dende o campanal d'a Seu de St. Stošija
Estato
 • Županija
Flag of Croatia.svg Croacia
Zadar
Superficie 194 km2 km²
Población
 • Total

91.238 hab. (2008)
Coordenatas
44°6′51″N 15°13′40″E
Chadra en Croacia
Chadra
Chadra
Situación de Chadra en Croacia

A suya población ye de 91.238 habitants (2008) en una superficie de 194 km².

ToponimiaEditar

En una inscripción griega de Pharos (Stari grad) en a isla de Hvar en l'anyo 384 aC os habitants d'a ciudat yeran ditos Ίαδασινοί (Iadasinoi). En o "Periplo de Pseudo-Scylax" a ciudat yera conoixita como Ίδασσα (Idassa), fácil que una forma griega vulgarizata de l'orichinal toponimo liburnio (illirio).

En l'antiguedat en latín s'escribiba Iadera a lo principio, y Iadera por os escritors més tardanos. Os etnonimos yeran Iadestines y Iadertines. Tamién se conoix a forma Diadora de periodo bizantín. A forma Diadora puet estar una recostrucción por hipercorrección tenendo en cuenta que en a evolución de muitas luengas neolatinas a forma Di debant de vocal da g, j. Por eixemplo en aragonés DEORSUM, DIANA y l'occitán DEUS LI VOL dioron en aragonés chuso/chos, chana y Chuslibol, con ch que se presenta en a mesma situación que a j d'as luengas neolatinas.

En a "Cronica de Morea" a ciudat ye mencionata como Jadra (ye dicir "Chadra"), y s'escribiba de trazas pareixitas en atras luengas europeas.

o que ellos deuiessen seruir el comun de Venecia en recobrar Jadra que se era rebellada
con otros nobles & senyores eran a Jadra & y querian pasar Ultramar
et recobrada Jadra, el capitan de la huest & el conte de Flandres & el duch de Venecia & los caualleros & gentiles hombres ordenaron de partir & andar en Contastinoble

En o "Libro d'el Trasoro" parlan de Gare, que s'interpreta como Chadra y d'o arçobispado de Jadrio, que s'interpreta como l'arcebispato d'Hadria:

Apres es la marca de Treujsa, que es en el patriarchado de Agujla, en do ha .xviij. ujspados, que tocan la partida de Alamanya e de Gare e de Almjça sus la mar. Encara es en Ytalia el arcebispado de Genea con .iij. vispes. E despues es la isla de Santdigno e Corsiga do ha .iij. arçobispados e .xv. ujspados.
Alla do Ytallia fina a la mar de Venecia, si es la tierra d'Estra de vltra part la mar, do yes larçobispado de Jadrio e atros dos arçebispados e xviiij º bispados. Apres yes la tierra de Sclauonja, en do ha .ij. arçobispados e .xiij. vispados. Apres es la tierra de Vngria, do ha dos arçobispados e .x. bispados. Apres esto es la tierra de los aspoliens, do ha .iiij.º arcebispados con todos .viij. bispes.

En romance venecián yera Jatara (hiperurbanismo en o sieglo IX) y Zara, en romance toscán yera Giara, y Costantín VII la mencionaba como Diadora encara en o sieglo VII en "De Administrando Imperio"),

En francés antigo yera Jadres (Geoffroy de Villehardouinin en as cronicas d'a Cuarta Cruzata), en arabe Jadora (Al-Idrisí en o sieglo XII), en castellán Jazara, Jara, Sarra (sieglo XIV).

A forma moderna en serbocrovate con z y que han amprato totas as luengas d'arredol se debe a una caracteristica d'a fonetica d'o desapareixito romance Dalmata, que cambeya a JA por za.

Jadera, Jadra esdevinió Zara quan cayó baixo a sobiranía d'a Republica de Venecia en o sieglo XV, y dimpués este toponimo fue o que l'administración austriaca fació servir en o sieglo XIX, pero fue cambeyato por Zadar/Zara provisionalment dende 1910 dica 1920, y en 1945 quedó como Zadar.

HistoriaEditar

En o periodo que Chadra perteneixió a la Republica de Venecia os dalmatas s'asimiloron a la población veneciana u italiana més que a la población crovate. En o sieglo XIX en Chadra i heba partidarios d'o nacionalismo italián y partidarios d'o nacionalismo crovate u o illirismo. Quan plegó l'exercito italián d'ocupación o 4 de noviembre de 1918 os italians prenioron o control. O Tratato de Rapallo d'o 12 de noviembre de 1920 dió Chadra y atros territorios a Italia. O enclau de Chadra, con 104 km², incluiba a ciudat de Chadra y os municipios de Bokanjac, Arbanasi, Crno, parte de Diklo y as islas de Lastovo y Palagruža y fue organizato como una provincia italiana.

Italia perdió Chadra en a Segunda Guerra Mundial, y en a postguerra ya perdió o suyo caracter italián. En a guerra d'independencia crovate l'exercito federal bombardeyó a ciudat.

Vinclos externosEditar

Se veigan as imáchens de Commons sobre Chadra.