Sorabos
Serbja / Serby
William Krause - Wendisches Mädchen (1912).jpg
Mesacha soraba por William Krause (1912)
Población total
60.000
Rechions con comunidatz importants
Flag of Germany.svg Alemanya 60.000
Idiomas
Sorabo
Relichión
Luterana
Pueblos relacionaus
Pueblos eslavos

Os sorabos son habitants de dos rechions deseparadas de Lusacia: os alto sorabos en a redolada de Bautzen-Budysin y os baixo sorabos a redolada de Cottbus-Chosebuz). O numero de sorabos s'estima en 100.000-120.000, a metat d'ellos charran o sorabo, una luenga eslava occidental. A gran mayoría son cristians luterans[1].

LuengaEditar

Ta más detalles, veyer l'articlo Idioma soraboveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Bi ha dos dialectos principals, alto sorabo, baixo sorabo, y un dialecto ixemenau por a redolada de Muskau. L'alto sorabo ye a base d'a luenga escrita y ye parexiu a lo checo. O baixo sorabo ye pareixiu a lo polaco. Bi ha evidencias que os dos dialectos principals encomenzoron a deseparar-sen ya en o sieglo XIII. As primeras muestras de sorabo escrito son d'o sieglo XV. En o sieglo XIX muitos ampres de l'alemán fuoron sustituitos por palabras checas u por neolochismos basaus en radices sorabas. En a Universidat de Leipzig bi ha una catedra de luenga soraba.

A literatura soraba se desembolicó en tiempos d'a Reforma. No totz os sorabos charran actualment a luenga etnica. O etnonimo d'os sorabos s'ha quiesto relacionar con o etnonimo d'os serbos, fendo-los proceder de Lusacia, rechión d'a on poderba provenir d'a parabra eslava pa dicir "prau".

RelichiónEditar

Os sorabos son protestants pero entre os alto sorabos bi ha una minoría catolica. O protestantismo aduyó a la supervivencia d'a luenga soraba, por a obligación de fer servir a luenga vernacla en os oficios relichiosos y sermons. En o sieglo XVI fuoron fundadas escuelas y seminarios a on admitiban alumnos lusacians.[2]

HistoriaEditar

Entre os sieglos VIII y IX existió una confederación tribal eslava formada por os sorabos, os glomaches, os coledichans y os milchans. En o "Cronicón de Moissac" de l'anyo 806 fan mención de nombres de principes y reis d'esta confederación.[2]

En a "Cronica de los Conquiridors" nombran a los sorabos en o capítol CXCVII:

Et de alli passando auant el Rey karles domo por armas la cruel gent delos volcos qui estauan sobre la Riba del mar occeano la qual gent era muyt co(n)traria alos francos Et apres domo por armas en sus p(ro)p(r)ias partidas todas las fieras barbaras naciones que son entre el Rio que ha no(m)bre el Ri et sal(er)a et entre el danubio et el mar occeano et fizo las tributarias dius si entre las q(u)ales los g(u)alletabos los sorabes los abaductes et boemios las quales gentes subiugadas el Rey karles sen torno en gallia et p(r)iso co(n) si s(us) fillos karles pipino et loys.

Fuoron sozmesos por os alemans en l'anyo 928. En 1002 o suyo territorio fue ocupau por Polonia. En 1368 pasó a fer part d'as posesions d'a corona de Bohemia. Como totz os pueblos eslavos d'a zona fuoron afectaus por a expansión alemana ta l'este u Ostsiedlung. En o sieglo XIV a mayoría d'os eslavos de l'Elba u vendos ya s'heban chermanizau, de fueras d'os polabos d'a redolada de Hannover (que encara existiban en o sieglo XVIII), y d'os sorabos. En a Edat Meya os sinyors feudals alemans no deixaban a los siervos sorabos que deixasen as suyas aldeyas y emigrasen t'as ciudatz.[2] En 1635 Lusacia fue cedida a Saxonia, y dimpués d'as guerras napolionicas pasó a fer part de Prusia.

Mientres a ocupación prusiana os sorabos yeran sozmesos a una campanya de chermanización dende 1871, sobretot en l'este, y como reacción amaneixió un movimiento nacionalista, con organizacions como Macica Serbska (1847) y Domowina (1912).

En 1919 se planteyó que Lusacia fese part de Checoslovaquia, pero quedó en Alemanya. Dende 1933 o nacionalsocialismo reprimió as manifestacions d'identidat soraba, y en 1937 o movimiento Domowina fue obligau a disolver-se. Dende 1945 i habió una recuperación d'o movimiento cultural sorabo y a RDA lis concedió amplos dreitos como minoría.

ReferenciasEditar

  1. (es) Felipe Fernández-Armesto: Los hijos de Zeus. Pueblos, etnias y culturas de Europa. Grijalbo, 1996, pp 371-373.
  2. 2,0 2,1 2,2 (es) Gabriela Makowiecka, Estanislao Macowiecki: La Cultura Eslava. Editora Nacional

BibliografíaEditar