Corz de Zaragoza (1300)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Corz de Zaragoza 1300
Zaragoza
Información cheneral
Ciudat	Zaragoza
Monarca	Chaime II d'Aragón
Principals temas
- Se fixa a muga con Catalunya - Proclamación de fueros
Corz d'o Reino d'Aragón
Anteriors	Posteriors
Zaragoza 1291	Zaragoza 1301
Mapa
Situación en Aragón

As Corz de Zaragoza de 1300 estioron unas Corz d'o Reino d'Aragón convocadas por o rei Chaime II d'Aragón en a ciudat de Zaragoza. A convocatoria estió pa o día 8 de setiembre en a capital d'o reino y armaus en previsión d'un posible ataque castellano.

Facioron parti as ciudaz y villas de Tarazona, Chaca, Balbastro, Exeya, Boleya, L'Aínsa, Almudévar, Pertusa, Zuera, Sarinyena, Calatayú, Daroca, Teruel, Borcha, Taust, Fariza, Alquezra, a val d'Echo, a val d'Ansó, Tamarit, Naval, Berdún, Mont-royo, Mont Albán, Berbegal, Sant Istevan de Litera, a val de Chistau, Sos, Uncastiello, Alcanyiz y a suya tinencia, a val de Tena, Albarracín, Luna, Alagón y a val de Broto.

En istas Corz se planteyan una serie de condicions, que son acceptadas por o rei, pa poder imposar una tasa sobre a sal que aduyase a reducir as deudas.

Se fixa tamién a muga entre Aragón y Catalunya, quedando ista en a Clamor Amarga y estando alavez os territorios de Ribagorza, Sobrarbe y Litera adscritos a o Reino d'Aragón. Asinas o rei Chaime II ordena a toz os suyos oficials y subditos o cumplimiento d'istas disposicions:

Que Ribagorça et Literra entro a la Clamor d'Almacellas sian del regno d'Aragon. Como Ribagorca, Sobrarbe e las Vales, de Litera daquia la Clamor d'Almacellas sian del regno d'Aragon e, sacados los feudos, sian poblados a Fuero de Aragon e ayan moneda de Aragon [...] Et todos los oficiales husen e judgen Fuero d'Aragon, exceptados los feudos, et guarden todas las ordinaciones feytas o que se faran d'aqui avant en las Cortes d'Aragon, assi como en Aragon se observan.

Amás se proclaman bels fueros d'aplicación en o Reino d'Aragón.

Asistents

Entre as autoridaz mencionadas en as actas d'istas Corz se troban o bispe de Tarazona Pero III y o bispe electo de Segorb-Albarracín Antonio Munyoz.

Vinclos externos

• (es) Actas d'as Corz de Zaragoza de 1300

Predecesor: Corz de Zaragoza (1291)

Corz d'o Reino d'Aragón Corz de Zaragoza (1300)

Succesor: Corz de Zaragoza (1301)