Sal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre a sal como alimento. Ta atros emplegos d'o termin se veiga sal (desambigación).
A sal de cocina, u dita mas a sobén simplament sal[1], ye un apanyo u aditivo alimentario formato prencipalment por una sal, o cloruro de sodio, a formula quimica d'o cual ye NaCl. Atras denominacions a sobén emplegatas son sal común, sal marina (cuan proviene d'a mar), sal fina u sal de mesa (cuan ye refinata y redueita a polvo), u sal gorda, de gran menos fino, ta o suyo uso prencipalment culinario.
Ye l'apanyo mas antigo que ha feito servir a humanidat y tien tanta importancia ta la vida humana que ha marcato lo desembolique d'a historia. L'orichen d'a parola "salario" ye estreitament ligato a la sal.
Chacimientos y salinas
editar
Historicament a explotación de sal s'ha realizato en salinas d'as zonas costeras y d'os manantials d'augua salata (cursos soterranyos que travesan depositos de sal), asinas como por meyo de menas.
En Aragón a mena mas important de sal se troba en Remolinos que existen dende epoca romana u incluso d'antis mas. A producción anyal de sal de mesa ye de 14.000 toneladas/anyals,[2] encara que en total se quitan bellas 400.000 toneladas por anyo ta o consumo animal y deschelo en carreteras (un 70%),[3] estando a empresa que espleita la mena de Remolinos, Ibérica de Sales, líder d'o mercato estatal. Son conoixitas tamién as salinas de Nabal que encara conservan o tradicional sistema d'estracción d'a sal.
En a Edat meya amás bi heba salinas en Abanto, Aguilaniu, Alcalá de la Selva, Alfambra, Aliaga, Arcos, Villel, Burcharaloz, Calatayú, Castellar, Chuseu, Daroca, Íxar, Monterd, Penyalba, Pina, Sarrión, Segura de Banyos, Taust, y Almudín, en Zaragoza.[4]
En Catalunya o chacimiento de sal de Cardona ya yera celebre en a Edat Meya; a "sal de Cardona" ye mencionada en bel texto medieval en aragonés.[5]
Vinclos externos
editar
Se veiga tamién
editarReferencias
editar- ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.46
- ↑ (es) As menas de Remolinos. Miguel Calvo Rebollar
- ↑ (es) Viaje a las entrañas de Aragón. El Periodico de Aragón
- ↑ (es) Sal en GEA
- ↑ Antonio Gargallo Moya, María José Sánchez Usón: Cuentas de un viaje en el s. XIV: De Teruel a Zaragoza y Barcelona en 1366. Revista Teruel, nº 71, chinero-chunio de 1984, p 130.
