Chuliella

Este articlo tracta sobre Chuliella, municipio de Los Serrans (provincia de Valencia). Pa atros usos de lo toponimo Chuliella, veyer Chuliella (desambigación).

Chuliella (Chulilla en castellán) ye un municipio d'o País Valencián d'a provincia de Castellón, situato en a comarca de Los Serrans y partito chudicial de Liria.

Chuliella
Municipio d'o País Valencián
Anvista de Chuliella.
Entidat  • Estato  • Comunidat  • Provincia  • Comarca	Municipio Espanya Comunidat Valenciana Valencia Los Serrans
Superficie	61,8 km²
Población  • Total	632 hab. (2016)
Altaria	400 m.
Distancia  • 21 km  • 60 km	enta Valencia enta Valencia
Codigo postal	46167
Coordenatas
Chuliella Situación de Chuliella en País Valencián
www.chulilla.com

A suya población ye de 848 habitants (2008), en una superficie de 61,8 km² con una densidat de 13,72 hab/km².

Cheografía

Ye situato en a costera d'un tozal mandato por un castiello musulmán, a 400 metros d'altaria sobre o ran d'a mar. En a part d'este tozal orientata ta o río bi ha un congustro impresionant.

Chuliella ye situato a una distancia de 21 km de Chelba, a capital d'a suya comarca, y a 60 km de Valencia, a capital d'o País Valencián.

A mas gran part d'o termin municipal ye en terrenos cretacios d'o Sistema Iberico, en istos terrens plans y altos a erosión ha tallato a foz y o salto de Chuliella, de 160 m de fondo y 10 m d'amplo.

Comprende as pedanías de Balneyario de Fuent Calient, Bodega Banacloch, La Ermita y a Urbanización Santa Barbara.

Historia

Dimpués d'a reconquiesta a población encara yera de mayoría musulmana, pero en 1331 dimpués d'una revuelta musulmana de Al-Azraq y ataques cristians a las morerías, os musulmans deixan Chuliella y en 1340 Pero IV d'Aragón concede Carta Puebla a 100 pobladors, a mas gran parte de Teruel y Leida, con presencia de navarros.

Toponimia

O suyo nombre vien d'o latín IULIA (chulia) con o diminutivo -ELLA (-iella), con una evolución seguntes a fonetica aragonesa: IULIELLA > Chuliella.

Se menciona en un texto de 1236, quan Zaid Abu Zaid donó a lo bispe de Segorb as ilesias de bells lugars.

Ex altera autem Alpuent, Cardeiheis, Andilla, Tuessa, Chelva, Dominio, Juliella, Liria et inde Murbedro, et omnia alia que infra ista versus Segobricam includuntur.

A forma oficial presa por o castellán ye una castellanización parcial, nomás que d'o diftongo d'o sufixo, sin plegar a prener J y dar Julilla, como sería teoricament en castellán.

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	Santiago R. Cervera Chirivella	Partit Socialista del País Valencià-PSOE
2007–2011	Enrique Silvestre	Partido Popular

Molimentos

Anvista aeria de Chuliella.

• Castiello de Chuliella, d'orichen arabe, encara que muit esviellato en os sieglos XIV-XVI, dimpués d'a suya conquiesta por a Corona d'Aragón. Fue destruito en as Guerras Carlistas, en estar o castiello centro d'a resistencia carlista.
• Ilesia d'a Virchen d'os Anchels, una ilesia construita en os sieglos XV-XVI dencima de l'antiga mezquita. O edificio ye en estilo barroco.
• Ermita de Santa Barbara, un edificio de 1364 en estilo gotico, esviellato en 1730.

Fiestas

Se i celebran os mayos, fiesta que se considera d'orichen celtibero, pero que puet haber estato traita por os repobladors teruelans en o sieglo XIV.

Vinclos externos

• (en)/(es) Pachina web oficial municipal.
• (es) Chuliella en a pachina web oficial d'o Gubierno d'o País Valencián.