Lo Villar (Valencia)

Lo Villar (El Villar en catalán, Villar del Arzobispo en castellán) ye un municipio de lo País Valencián de la provincia de Valencia, situato en la comarca de Los Serrans y partito chudicial de Liria.

Lo Villar
Municipio d'o País Valencián
Frontera d'a ilesia de Lo Villar.
Entidat  • Estato  • Comunidat  • Provincia  • Comarca	Municipio Espanya Comunidat Valenciana Valencia Los Serrans
Superficie	40,7 km²
Población  • Total	3,863 hab. (2008)
Altaria	520 m.
Distancia  • 21 km  • 50 km	enta Chelva enta Valencia
Codigo postal	46170
www.VillarDelArzobispo.es

La suya población ye de 3.863 habitants (2008), en una superficie de 40,7 km² con una densidat de 94,91 hab/km².

Historia

Lo Villar y a suya redolata forman una parzana que perteneixeba a l'arcebispe de Valencia. L'arcebispe Ramón Gastón no quereba tener moros en o suyo dominio u obtenó permiso pa forachitar-los y sustituir-los por cristians. Lo Villar fue repoblato en 1323 con cristians d'orichen aragonés.

Toponimia

Agustín Ventura Conejero considera os toponimos Villar y Villa como de tiempos d'a reconquiesta. L'antigo nombre en arabe yera Benaduf u Lo Villar de Benaduf, probablement por lo nombre d'una tribu berber. Atras fuents dicen que Benaduf yera un lugar a man de Lo Villar de Benaduf. En un texto de 1689 en catalán s'escribe Villar solo:

Gaspar Mascaro, cavaller procurador de Don Manuel Diez Giron de Rebolledo, senyor de la villa y baronía de Andilla(...) diu com millor pot que el principal del proposant per si y per medi de sos antecesors senyors de dita vila y baronia, esta en la quieta, pacifica y immemorial possesio seu quasi de prohibir y vedar a tots los forasters y que no son de dita vila, y senyaladament als vehins, y habitadors de les viles, y lochs de Abejuela, Villar, Bexis, Chelva ab ses aldees, y Yriguelas, La Yesa y demés circunvehins y habitadors de les masades el que no entren en los termes de dita vila y baronia de Andilla a apacentar los ganados machors, y menors sin obtenir licencia del principal del proposant, y sos assesors, y pagar lo herbatje

Lo Villar leba oficialment l'apelativo del Arzobispo dende 1795, quan Carlos IV li'n concedió, atorgando-li tamién o titol de villa reyal.

Parla

Se i charra castellán churro con palatalización de l- inicial:

• llatonero, lladrar, llatido, llatir.

Cheografía

Lo Villar ye situato a 520 metros d'altaria dencima de lo ran de la mar, a una distancia de 21 km de Chelva, la capital de la suya comarca, y a 50 km de Valencia, la capital de lo País Valencián.

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1997	Luís Aparicio	Partido Popular
1997–1999	Bernardo Mínguez	Izquierda Unida
1999–2003	Miguel Adrián	Partido Popular
2003–2007	Julio Burgos Veintimilla	Partit Socialista del País Valencià-PSOE
2007–2011	José Luís Valero	Izquierda Unida

Molimentos

Altar d'a ilesia parroquial de Lo Villar.

• Ilesia parroquial de Nuestra Sinyora d'a Paz, una ilesia d'o sieglo XVI en estilo renaixentista, encara que con elements goticos en as suyas partes mas antigas.
• Palacio arcebispal, d'estilo gotico-renaixentista, un edificio d'os sieglos XIV-XVII, que estió o palacio residencial en verano d'os arcebispes titulars d'a diocesi de Valencia.
• Ermita de Sant Vicent, una ermita d'os sieglos XV-XVII en estilo gotico tardano.

Fiestas

• 24 de chinero: Fiestas patronals d'a Virchen d'a Paz.
• 16 d'agosto: Sant Roque

Bibliografía

• Rafael Lapesa. "HISTORIA DE LA LENGUA ESPAÑOLA". Editorial Gredos. (1981).

Vinclos externos

• Pachina web oficial municipal.