Abrir menú principal
Este articlo tracta sobre La Yesa. Pa atros emplegos de lo toponimo Yesa se veiga Yesa (desambigación).

La Yesa ye un municipio de lo País Valencián de la provincia de Valencia, situau en la comarca de Los Serrans.

La Yesa
Municipio d'o País Valencián
Escudo d'armas
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
Comunidat Valenciana
Valencia
Los Serrans
Superficie 84,7 km²
Población
 • Total

242 hab. (2016)
Altaria 1.039 m.
Distancia
 • 80 km

enta Valencia
Codigo postal 46178
Situación de La Yesa en o País ValenciánSituación de La Yesa en Los Serrans
www.LaYesa.es

La suya población yera de 256 habitants en o 2012, en una superficie de 84,7 km² con una densidat de población de 3,02 hab/km².

ToponimiaEditar

Lo toponimo La Yesa ye documentau ya en 1381, i habendo variants ortograficas posteriors (Layhesa, La Hiesa)[1]. Este lugar ye mencionau en textos medievals referents a rutas de pastors transuants terolans:

Item, a hun ombre que por part de los dichos mandaderos levo huna letra de La Yessa a Alpuent en la qual se fazie mencion que'l dicho Sancho Dominguez se vidiese con real los dichos mandaderos

Este toponimo se puet interpretar a partir de lo latín GYPSUM[1] ("cheso"). D'estar correcta esta interpretación sería una forma paralela a l'aragonés chesa (chacimiento de cheso), pero no respondería a la fonetica aragonesa y respondería a la fonetica castellana u a la de lo mozarabe local.

CheografíaEditar

Con Alpuent comparte la entidat poblacional de La Cueva d'Abenferruz.

MugasEditar

Lo suyo termin municipal muga con Andilla, Alpuent y Chelva (en la mesma comarca); y con Arcos de las Salinas, Torrillas y Abechuela (en la provincia de Teruel).

Arcos de las Salinas Torrillas
Alpuent   Abechuela
Chelva Andilla

HistoriaEditar

La Yesa perteneixió a Alpuent. En los sieglos XVII y XVIII La Yesa tenió litichios territorials con los habitants d'Abechuela, que heban comprau tierras en lo termin de La Yesa y Andilla.

CuriosidatzEditar

En este lugar se da con una freqüencia mas alta de lo normal una mutación d'un chen responsable de la producción de melanina, y por ixo bi ha una alta freqüencia de chent roya.

ReferenciasEditar

  1. 1,0 1,1 (es) Rosa Gómez Casañ: Toponimia de los Serranos. Etimología de los nombres de sus núcleos de población, publicau en Actes de la VII Jornada d'Onomàstica. Xerica 2013. Academia Valenciana de la Llengua, 2014. p 399.

Vinclos externosEditar