Liria

Liria (Llíria en catalán) ye un municipio d'a provincia de Valencia, situato en a comarca de Campo de Turia. A suya población ye de 21.638 habitants (2007), en una superficie de 228 km² con una densidat de población de 94,9 hab/km².

Liria
Municipio d'o País Valencián
Entidat  • Estau  • Comunidat  • Provincia  • Comarca	Municipio Espanya Comunidat Valenciana Valencia Campo de Turia
Superficie	228 km²
Población  • Total	21 638 hab. (2007)
Altaria	164 m.
Distancia  • 24,9 km	enta Valencia
Codigo postal	46160
www.lliria.es

Mugas

O suyo termin muga con Marines, La Pobla de Vallbona, Olocau de Carraixet, Benaguacir, Casinos y Andilla.

Historia

Liria, l'antiga Edeta, estió una ciudat-estato ibera muito important, con un aria d'influencia que plegaba ta lo sur de Teruel. Los romans diciban a los ibers de l'aria d'influencia d'esta polis Edetans.

En los dos primeros sieglos de la nuestra era tenió una gran importancia, pero en lo sieglo III entro en decadencia, decadencia que continó en los sieglos vinients por lo creiximiento de Valencia.

Toponimia

Los romans clamaban a Liria Edeta. Seguntes Joan Fuster, lo nombre de Liria bien de Leiria, lo presunto antigo toponimo ibero d'Edeta, que se recuperó en la Edat Meya.

La forma aragonesa de lo toponimo fegura en la versión A de las Cronicas de los Chueces de Teruel en l'anyata chudicial 1240-1241:

Anno Mº CC XXXX. Don Ximeno de Marquesa. Fue presa Liria, que la tenian los moros.

Entre los suyos microtoponimos bi n'ha un d'aragonés con conservación de las oclusivas xordas intervocalicas y -o final: barranco del forato, herencio de la repoblación mixta con catalans y aragoneses d'este sector de lo reino de Valencia, on dimpués predominó l'emplego de l'idioma de los primers.