Zeit Abu Zeit
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
_in_the_word_Allah.svg){kind=small}
| Zeit Abu Zeit | |
|---|---|
| Rei d'a Taifa de Murcia | |
| 1223/1229 - 1172 | |
| Predecesor | Abū 'Abd Allāh Muhammad |
| Naixencia | 1195 Baeza |
| Muerte | 1268 Archelita |
Zeit Abu Zeit u Azeit Abuzeit dito tamién Abú Zeit estió lo zaguer gobernador almuade de Valencia y cuan lo destronoron se convertió en un aliato de la Corona d'Aragón.
Zeit Abu Zeit, rei Taifa
editarTeneba total autonomía en relación a l'imperio almuade, y mesmo se tituló Rei de Valencia. Dimpués d'una sublevación anti-almuade Ibn Hud se problamó emir de Murcia en l'anyo 1228, y lo reconoixioron los musulmans d'Alchezira, Exativa y Denya, territorios que deixoron de perteneixer a lo reino de Zeit Abu Zeit. Zayán Ibn Mardanis d'Onda, nieto de lo Rei Lop aproveitó esto pa rebelar-se y ocupar Valencia; Zeit Abu Zeit se refuchió en Segorb y demandó aduya a Pero Ferrández d'Azagra, sinyor d'Albarracín en pagas por ceder-li Bexix en 1229. Lo 20 d'abril de 1229, Abu Zeit se declaró vasallo de Chaime I d'Aragón en pagas por conquerir y poblar los castiellos y lugars que conseguise en los territorios valencianos encara por reconquerir. Con l'aduya de tropas cristianas conquistó cualques lugars de la zona de Bexix en 1229, y feba de rei en bel sector de lo norte de la suya antiga taifa.
En 1232 Abu Zeit y Chaime I ratificoron en Teruel lo compromís, reconoixendo lo primer las favors recibitas y renunciando a totas las rendas que sobre Valencia y lo suyo termin s'heban reconoixiu en 1229; li se facilita a lo rei Chaime de prener Valencia. Se diz que Abu Zeit se convirtió a lo cristianismo y dende alavez estió un buen aliau de lo Conqueridor en la reconquiesta valenciana.
Vicent Bellvis, sinyor cristiano
editarBaixo la protección de Chaime I detentó la sinyoría de lugars de la Sierra d'Espadán poblatos por musulmans, sinyoría que legó a lo suyo fillo Ferrando. O 22 d'abril de 1236, convertito ya a lo cristianismo y estando ya baptizato como Vicent Bellvis, fació la conoixita donación de los suyos castros, villas y alquerías a la Diocesi de Segorb.
Trayó repobladors mas que mas aragoneses ta beluns de los lugars de la suya sinyoría como Arenoso (que se convertió en Puebla d'Arenoso), Villamalefa y Montán.
Abu Zeit casó a la suya filla, Donya Alda Ferrández u Alda Ferrández Aba-Omahet, con Don Blasco Eximénez d'Arenós, (fillo d'Eximén Pérez de Tarazona), y aportó como dote segurament lo castiello d'Arenoso. Eximén Pérez de Tarazona mandaba una mesnata aragonesa que yera la fuerza militar d'Abu Zeit, y dimpués de lo casamiento cambió lo suyo apellito Tarazona por Arenoso u Arenós, encomenzando lo linache de los Arenós, que yeran Barons d'Arenoso.
En 1242 los arabes andalusís de la Sierra d'Espadán li se rebeloron aproveitando la revuelta d'Al-Azraq.
Bibliografia
editar- (es) Barceló Torres, María del Carmen: El sayyid Abū Zayd: Príncipe musulmán, señor cristiano. Awraq. Estudios sobre el Mundo Árabe e Islámico Contemporáneo. (Madrid: Instituto de Cooperación con el Mundo Árabe, 1980).
- (es) Burns, Robert I: Príncipe almohade y converso mudéjar: Nueva documentación sobre Abū Zayd. Sharq al-Andalus: Estudios árabes, 4 (Alacant : Universitat, 1987), pp. 109–122.
Datos: Q3102581
Multimedia: Zayd Abu Zayd / Q3102581
