Tamarix

(Reendrezau dende Tamariza)
Tamarix
Tamaris3.jpg
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Caryophyllales
Familia: Tamaricaceae
Chenero: Tamarix
Nomenclatura binominal
Tamarix
L.

Tamariza ye a denominación común d'as especies d'o chenero Tamarix, propias de zonas secas y salobrals u suelos salobrencos.

DescripciónEditar

Son arbustos con fuella perén u caduca u árbols chicos entre 1 y 15 m d'altaria.

As ramas son finas y o follamen gris verdenco. A crosta d'as brancas chovens ye lisa y royenca-parda. Con a edat se fan rugosas y de color porpra. As fuellas tienen 1–2 mm y se solapan, a sobén tienen secrecions incrustadas de sal.

As flors son blancas u rosencas, están en densas masas de 5–10 cm en as puntas d'as brancas en primavera y verano (fueras de T.aphylla).

Cada flor puet producir mils de simients d'1 mm de diametro, contenidas en una chicota capsula por un regular adornada con una tufa de pelos que aduyan a que l'aire se las leve (dispersión anemofila). Tamién pueden dispersar-sen con l'augua. A cherminación desiche que o suelo siga saturau muitos días.

EcolochíaEditar

En os salobrals plegan a tolerar dica 15000 ppm de NaCl y tolerar alcalis. Ye capable d'aproveitar l'augua sotorrana, con una radices que plegan dica o libel freatico. Aturan a expansión d'atras plantas absorbendo sal que acumulan en o suyo follamen en forma de concreccions que dimpués cayen a lo suelo, a on se concentra estando verenoso pa atras plantas. Tamién ye adaptau a cremar-se y tornar a rechitar.

EspeciesEditar

En a val d'Ebro a especie més comuna de tamariza ye Tamarix gallica, pero en a salada de Chiprana a que ye present ye Tamarix boveana. Son intresants as selvas galería de Tamarizas en a Val Cuerna, o tamarizal d'o Vedau de Penyaflor y o tamarizal d'El Planerón.